Williamnagar, March 18: Samanda Block-ni ning•o donggipa Rongsak St. George School-ni gital rikgipa Basketball Court-ko Mongolbar salo, Meghalaya a•dokni PHE Minister, Marcuise N. Marak, MCS Officer gitcham, Seldhin N. Sangma, songni nokni manderang, school-ni skigiparang aro chatro chatrirangni mikkango oprake on•angaha. Ia basketball court-ko rikna gita chu•gimik tangka paisarangko Marcuise N. Marak dakchakaha.
Ia gital basketball court-ko man•anina ia school-ni principal-san ong•aigija, school-ni pilak bi•sarangba an•tangtangni kusi ong•aniko, mongsonggipa ong•e sokgipa Marcuise N. Marak aro gipin dongpagiparangna chrok-mesaanirangchi an•tangtangni katchaaniko mesokangaha.
Ia tom•anio mongsonggipa sokgipa ong•e Marcuise N Marak, jinmana aganprakengon, Rongsak St. George School-o poraienggipa bi•sarangni program-ko English-chi chalaianina aro chrok mesae mesokangani gimin an•tangni kusi ong•aniko parakangenba, skulni Principal Fr Jimbirth K. Marak-ko, uni bimchipe kam ka•anichi ia gadangona sokatna man•aha ine de•mittele aganangaha.
Ia school-o poraienggipa bi•sarangko bimchipe poraichina didiangengon, uamang matric porikkao top 10 ni biapko man•genchimode uamangna laptop-ko on•gen ine Marak, ku•rachakaniko on•angaha. Uasan ong•aigija, ia tom•anio dongpagipa pilak Nokma-sordarrang, songni manderang aro chatro chatrirangko chiring-chibisikrangko ripingchina gitaba ua mol•molangjolaha.
Tom•a matchotani ja•man, St. George School-ni Principal Fr. Jimbirth K. Marak aro ia school-o poraienggipa chatro chatrirang, Hub News baksa agangrikengon, Williamnagar-ni MLA aro a•dokni Cabinet Minister Marcuise N. Marak-ni uamangna ka•sabee ia basketball court-ko tarina dakchakahani gimin mittelpilaniko parakattokaha.
Na·simang ia video-koba nina man·gen:
Na·simang iakoba poraina man·gen: Karnataka-o bisi gnang cha·aniko cha·mane a·sel ong·anio jak donggipa sakgniko rim·a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
