Aizawl, Feb 8: A•songo rongtalgijagipa balwarangko man•engon, rongtalgipa balwarangko man•a nangchongmotenganiko nike, uarangni gimin u•iataniko on•a aro rongtalgipa aro an•sengbaljokgipa janggi tanganiko tangna didianiko on•a inenba, Bristibar salo Mizoram-ni chadambe saksa, Vanlallawmzuala Varte, Guwahati-ona rengrengsilo chalaibaaniko dakangaha.
Indake, Mizoram Pollution Control Board aro MINECO-ni dakchakaniko man•e ua, ‘Ride to Clean Air’ ine katta bichongko donenba, ia rengrengsilko chalaie songreaniko dakengachim.
Ua, India a•songo songdong a•chaenggipa mande sakantikon, rongtalgijagipa balwarangko aro gam•anirangko komiatna gita rengrengsil-rangko jakkalchina gitaba didiataha.
Vanlallawmzuala Varte-ni Guwahati-ona sokbaahaon, Assam Pollution Control Board-ni officialrang aro adita cyclist-rang rimchaksoaniko daksoaha. Aro uni jamano, Assam Pollution Control Board-ni gita Dighlipukhuri chirikamo biterangni charako ge•aniko dakanioba ua bak ra•angaha.
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
