Shillong, Aug 18: Meghalaya sorkarina High Court, ku·sikchi u·iataniko on·atmanaha aro da·o a·dok sorkari, rong·chunrangko gipin biaprangona watna gita challan-ko on·na man·gnok ine Bristibar salo, Meghalaya a·dokni Deputy Chief Minister Prestone Tynsong parakataha.
Thank Hon’ble Union Minister for Coal & Mines, Sh. @JoshiPralhad Ji & Hon’ble Union Minister for Commerce & Industries, Sh. @PiyushGoyal Ji for facilitating issuance of notification clarifying on export of limestone from Meghalaya. pic.twitter.com/b7bFJmnF0z
— Conrad Sangma (@SangmaConrad) August 18, 2022
Iani bidingo Meghalaya a·dokni Chief Minister Conrad K Sangma, Commerce aro Coal & Mines Minister Prahlad Joshi-ko New Delhi-o gronge agangrikani ja·man, a·dok sorkarina ge·etaniko on·ataha.
Deputy Chief Minister-ni parakatani gitade, a·dokni rong·chunrangko gipin a·songrangona watani bidingo High Court, hearing-ko dakenba, rong·chunrangko Bangladesh a·songonade watna man·gen ine ge·etaniko on·angaha.
High Court-ni ge·etaniko a·dok sorkari man·soaha ine janapatengon, iani bidingo a·dok sorkari, ma·mongni Coal & Mines Ministry aro Commerce & Industry Ministry baksa agangrikmanaha indiba da·o dipet ia dolgni ministry-rangni u·iataniko man·sokujaenga ine Tynsong parakataha.
High Court-ni ku·sikchi ge·etaniko a·dok sorkari man·soaha aro da·o a·dok sorkari, rong·chunrangko gipin a·songona watna gita challan-rangko on·piltaignok ineba Deputy Chief Minister parakataha.
Iani bidingo High Court, sal 15-ni ja·man hearing-ko dakangtaigen ineba Tynsong parakataha.
