Tura, Aug 25: Great Indian Rock (GIR) album-o changgnina seokako man·gipa Garo Hills-ni Rough Road dolni gital music video ‘Rugalani Attam’-ko Robibar attamo, uamangni bilsi 29 gapaniko gisik ra·ani bak gita, uamangni official YouTube channel ‘Rough Road Tura’-o wataha.
Rough Road dolko 1995 bilsini August 25 tariko band-ni founder aro guitarist Montaben S Marak, uamangni bassist Enok Doma Ch Marak aro gipin membor-rang baksa bikotaha. Band-ko bikotani ja·man bilsigni gisepon 1997 bilsio nakatgipa Great Indian Rock-ni gnigipa album-na uamangni mingsinggipa git ‘Atchu’ seokako man·aha. Uni ja·man 1999 bilsioba Rough Road dolni ‘She Knows’ git, Great Indian Rock-ni gittamgipa album-na seokako man·taiaha. Rough Road dolni skanggipa chu·gimik audio album ‘Dakna Amaigen’-ko 2004 bilsio release ka·skaaha.
Uni ja·man Rough Road dolni gnigipa audio album-ko ong·katatna jotton ka·beahaoba membor-rang dingtang ong·roroangahani a·sel chu·sokatchipna man·jaha aro uandaken band-ni skanggipa music video ‘She’s Back’-ko 2020 bilsio release ka·skaaha. Uni ja·man, Rough Road-ni mingsinggipa git ‘Atchu’ aro ‘Re·bapile’-koba music video tarienba uamangni YouTube channel-o wataha.
Da·o Rough Road dolni release ka·daldalgipa ‘Rugalani Attam’ gitara uamangni brigipa music video ong·skaengaha.
Ia gitni bidingo talataniko on·angengon, ian Wangalna skang Rugalani attamo pante me·trarang maikai kusi ong·e, chrok mesae, doke dam·e rotokachim, uni giminsa tariaha ine Rough Road-ni founder aro guitarist Montaben Marak parakataha.
Ia music video-ko chu·sokgipa ong·atna man·ahani gimin Rough Road band-ni membor-rang, dingtangmancha Meghalaya a·dokni Chief Minister Conrad K Sangma-koba mittelpilataha.
Na·simang ia video-koba nina man·gen:
Na·simang iakoba poraina man·gen: Durand Cup semi-finalna tikkit pala dikdiksaon bon·a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
