Guwahati, June 6: Sogimin Bengal Tiger ba Bengal matcha mangsani manggisiko Assam Sonitpur districtni Borsola ingipaoniko robibar salo man•aha.

Ia matchako mande saksani noko gopaha ine koborko man•e chinga sandirikkote ja•mano nikaha ine forest official aganaha.

” Ia matchako so•otmanchaasa aro je mandean iako gope donaha ua mandean so•tna nanga, ua da•o kate chakenga” ine ba official talataha.

“Bang•gija salrangna skangsan chinga Bengal tiger man•ako kobor man•e Borsolaona re•ange nieaha, aro uko rim•e buringona watataha” ineba forest official aganaha. Niam gita chinga sigimin matchani manggisiko police aro district officialrangni mikkango so•eba galaha ine uamang koborna aganaha.