Guwahati, April 8: Cricket kal·anio namen mingsing minggamako man·gipa, Sachin Tendulkar, UNESCO-ni World Heritage Site Kaziranga-ona re·angaha, jekon uno donggipa janggi gnanggipa matburingrang aro ong·telaigiparangni nitoanina u·itoka. Ua Kaziranga-ni Western Range (Bagori)-ona re·ange, Dunga Camp-o neng·takeba uno donggipa forest staff aro Van Durgas ba me·chik forest guard-rangko grongangaha. Ua gario re·roroe matburingrangko nia matchota jamano, Central Range (Kohora)-ona re·angenba, Daflang Tower-oni Bengal Tiger-ko niangaha.
Uasan ong·aigija, ua Karasin Anti-Poaching Camp aro Pilkhana-ona re·angenba, mahouts ba mongma nitimgiparang baksa agangrikaniko dakenba, department-ni mongmarangko grongangaha. Uni re·ange nianiara, gisiko nange kam ka·enggiparangna katchaani aro kusi ong·aniko ra·baaha. Kaziranga, ian mang 2,613 grong ge·sangipa gondu-rang, mang 104 matcharang, mang 1,228 mongmarang, mang 2,565 buringni matmarang aro mang 1,129 swamp deer ba grong ro·gipa matchokrangni dongram biap ong·an baksana ia park-ara dingtang dingtang rokomni do·orangna gamchatbegipa biapba ong·a.
Tendulkar, forest dolrangni on·kange kamrangko ka·anina rasong on·e aganengon, Assam-oni kal·susaanio nadobaenggipa chadamberangni giminba janapangaha. Indian Team-na seokako man·gipa Assam-ni skanggipa cricket kal·gipa me·chik Bokakhat, Kandulimari songni Uma Chetry aro Mangaldai-ni Jintimani Kalita-ni gimin janapataha. Una agreba, ua Olympic Boxer, Lovlina Buragohain aro Assam-ni skanggipa jahas choanio certificate man·chenggipa, Nikhamoni Bora-ni giminba aganangaha.
Tendulkar-ni park-ko re·bae nianiara, sam-tangtango donggipa ong·telaigiparangko naljoke rakkina aro kal·susaanio gisiko nanggipa Assam-ni chadamberangna dakchakaniko on·a nangchongmotaniko mesoka ine park-ni official saksa janapataha.
Na·simang ia video-koba nina man·gen:
Na·simang iakoba poraina man·gen: Myngken Christian skulni football team-na CM mande ra•skaaniko on•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
