Chennai, Jan 7: MV Lia Norfolk minggipa mal-matta chogipa jahatko Somalia a·songni sagal rikam nigamao sagalni dakaitrang rim·kepe dongengon Indian Navy chasinapange jahatni sak 21 kalasirangko jokataha. Uamangoni sak 11de Indian manderang ong·toka.

Jahatko ra·seke ra·giparang rim·aha ine u·ion Indian Navy uamangna mikrakataniko on·aha. Indian Navy-ni INS Chennai minggipa jahat nokma ua biapona attamni 3:15 bajimango sokangaha, aro a·selo ga·akenggipa jahatko sako bilwenwene name nichengaha.

Joljolan Marine Commandorang (MARCOs) biapko ra·e chasinapangaha. Mal chogipa jahatni pilak bakrangoba nape nioba ra·seke ra·giparangko nikejaha, maina uamang kataha.

Indian Navy-ni Chief Admiral R Hari Kumar-ni aganani gita, mikkang chango Arabian Sagalo ra·seke ra·giparangoniko chel·chakna gita ua bakrango bolbri dakgrikani jahatrangko donaha.