Guwahati, Jan 9: Naga bobil dolrangni konta 15 mangna sak 16 Assam Police sipairangko rim•srukanga ja•man, Assam-Nagaland a•dokrangni sima ario so•sojengjeng ong•na a•bachengaha.
Ia a•sel, sima ari jolo gari cha•ogipa bang•engani gimin campaign-ko ong•atani somoio ong•aha.
Koborko man•soani gitade, Selenghat police post-ni Police Officer in-charge, Jatin Bora aro Teok Police Station-ni in-charge, Ganga Phukan-ni dilanichi, gari cha•ogiparangni bidingo mikrakataniko on•a miksonganio campaign-ko ong•atengachim, indakmiting somoio Naga bobil dolrang matsramgipa silchidare-rangchi uamangko chadrapaha jeni a•selan 11APBN-ni sipai Vidyut Das bilongbee saknaatako man•aha aro gipin sipairangko rim•srukangaha. Das-ko sanna banna gita Dibrugarh-o donggipa Assam Medical College-ona ra•angaha.
Indake, Jorhat a•jani District Superintendent of Police, Shwetank Mishra-ni dilanichi am•sandianiko daka ja•man, ia rim•srukanga man•gipa police dolrangko konta 15 mangni ja•man watatpilaha.
Ia a•sel ong•anichi Assam-Nagaland a•dokni sima arirango so•sojengjeng ong•na a•bachengaha aro ua jolo donggipa manderang, a•dokni sima arirango chel•chaksogipa dolrangko bariatchina sorkari ko dabiangaha.
Na·simang ia video-koba nina man·gen:
Na·simang iakoba poraina man·gen: UDP-ko man•gnina rikgipa dol inanina VPP-ni kosako matnangata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
