Gangtok, Feb 12: State Bank of Sikkim, sak 30,000 manderangoniko tenant verification fee-rangko February 1 tarikoni man•soengaha. Indake verification fee-ko ra•anio sakprako gong 50 ka•e ra•enba gong lak 35 mangni gita man•soaha aro ia man•gimin tangkarangko, tenant verification-ko dakenggipa Sikkim Police-na pakwatatskaaha.
Indake ong•engon, a•doko songdongkamenggipa manderangoniko ia tenant verification ka•aniko chong•motan, Sikkim Subject certificate, Certificate of Identification, Sikkim Constituency-ni Voter ID Card, Residential Certificate aro a•a patarangko on•aoni watchanggalchina sorkarini u•iatani ja•man, jemangan ia tenant verification fee-na gamanahachim uamangna sorkari tangkako walpilama walpiljawa ine songdongkamenggipa manderangni gisepo sing•doanirang nakataha.
State Bank of Sikkim-ni Managing Director PW Bhutia, jemang ia tenant verification-na watchanggalako man•enga, uamangni gamgimin fee-ko on•pilani gimin a•dok sorkari sa tik ka•anggen, maina je tangkarangko verification fee-na ra•aha uarangko joljol sorkari-ni account-onan watatman•ahani gimin sorkari baksa chanchirimna nangkugen ine parakataha.
Unbaksanaba, ia sak 30,000 manderangoni sawa songdongkamenggipa ong•a aro sawarang gipin biaponi re•bae bhara dongenga, uko u•ina gita neng•gen, uni gimin iani bidingo skanggipa jako ra•enggipa department baksa tom•e chanchirimna nangchenggen ineba PW Bhutia janapataha.
Una agreba, bang•a manderangan ia tenant verification fee-ko gamna bank-ona re•baengani gimin bank nokan chakpiljaenga, uni gimin jemangan verification fee-ko gamna nangengachim uamang State Bank of Sikkim-ni website gita online gamatna man•gen aro gamgimin receipt-ko ra•e sepangbatgipa police station-ona re•angna man•gen ineba SBS Managing Director jinmana u•iataniko on•ataha.
Na·simang ia video-koba nina man·gen:
Na·simang iakoba poraina man·gen: Belonia-o cha•ugipa ine chanchichipenba mande saksako doke siatgipa sak 6 manderangko rim•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
