Guwahati, March 10: Wagh Bakri Tea Group aro Bal Raksha Bharat (Save the children), Assam-ni Oating aro Sotai Tea Garden-o me·chikrangni bewal nikanio rongtal an·talaniko nambatatna gita “Sakhi-Safe Periods for Tea Workers” program-ko a·bachengataha aro ian bewal nikani bidingo skie on·anirang baksana rong·talgipa jakkalani bosturangko aro janggi tanganio nangchongmotgipa skie on·anirangko dakenba sak 650 me·chikrang aro me·chik bi·sarangna dakchakaniko on·anggen.

Me·chikrangni bewal nikani bidingo tol·e bebe ra·anirangko bon·atna dakchakaniko on·a baksana songsalni manderangna mikrakataniko on·a gita ia project-o dal·gimin me·asarang aro me·a bi·sarangkoba man·chapa. Bilsokgimin me·chikrang aro me·chik bi·sarangna an·tangtangni bewal nikani somoio ka·dongani baksa ra·chakna man·a gita dakchakaniko on·a miksonganio ia health camp-rang aro training-rangko ong·atenga.

Sorkarini program-rang jekai Rashtriya Kishori Swasthya Karyakram (RKSK) baksa kam ka·anichi ia project-ko ru·uta somoirangna baikamna gita ka·dongsoenga. Bi·sarangna dakchakaniko on·gipa dol Bal Raksha Bharat, school-rangko namdapatanichi, me·a aro me·chik mikkang niteanigri aro kam man·ani cholrangko ra·baanichi me·chikrangko an·seng baljoke rakkianiara sakantinan nanggniko ra·baani ong·a ine u·iatangaha.

Na·simang ia video-koba nina man·gen: 

Na·simang iakoba poraina man·gen: Indo-Myanmar simarango jakgitele re·rurana on·aniko Mizoram CM  jegale agana

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub