Tura, Feb 6: Sal 2-ni Horticulture show baksana Exhibition aro Flower Arrangement Competition-ko, Tura-ni Christian Girls Higher Secondary School-o Bristibar saloni a•bachengataha aro ia program-o West Garo Hills a•jani Deputy Commissioner Jagdish Chelani mongsonggipa sokgipa ong•e bak ra•angaha.
Ia tom•anio Deputy Commissioner Jagdish Chelani jinmana aganprakangengon, pulrangko ge•e game cha•na gisiko nanggipa manderangna iandakgipa cholrangko on•enganina aro uamangni bosturangko ba pulrangko bading chiwalani kolrangko skie on•ahanina department-ko mitelpilskaaniko dakangaha.
Ge•e game cha•anichi a•dokni GDP-ko tang•doatanio Meghalaya a•dokan bang•bate on•gilpagipa ong•enga ine aganan baksa, Three Sisters Concept chong•motan, me•rakku, Squash ba skot aro budu ni bipango nanggipa biterang jekai beans, ia me•su samjakrang dolsa dolgipin baksa pangchakgrikna man•gipa ong•ani gimin, ia me•su samjakrangko ripingna aro ge•na gamna man•genchimode ge•e game cha•giparangna altubatgen ine janapataha.
Indake, a•jao gue bagan dakgiparang donggenchimoba gue bisokko nosto ka•gipa sabisi man•ani a•sel gue bagan dakanirang komiangengahani gimin gue bagan baksana gulmoris aro anaros baganrangkoba dake cha•china ua didiataha.
West Garo Hills, Tura-ni District Horticulture Officer, Thera Ch Marak-ba, dingtang dingtang ge•a gamani jekai, bolrang, biterang, me•su samjakrangko aro pulrangko ge•a gamani aro uarangko bagan dakengon maikai nirok simsakna nangachim, uarangko skie on•a miksonganio, 1998 bilsio Tura Agri-Horticultural Society-ko a•bachengataha ine janapatan baksa, ia dolni gita flower show-rangko ong•atna gita miksonganirang donggenchimoba adita neng•nikanirangko man•anichi chu•sokatna man•jaha indake ong•genchimoba da•alo ia program-ko chu•sokatna man•enganina kusi ong•aniko parakangaha.
Ia program-o dingtang dingtang pulrang jekai, Bougainvillea pulrang, me•su samjakrang, pul poto ge•gimin pulrang, Foliage ba bijakarigipa pulrang, Cacti aro Succulent-rang, Bonsai tarigimin pul aro bolrang, Orchid ba balgito, ran•gimin aro gitalgipa pulrangko mesoksusaaniko dakangaha aro ia pulrangko mesoksusaanio nambatsranggipa pulrangko Retired Agriculture Officer aro a•jani pulrangko ge•na gisik nanggipa dolrang basee seokaniko dakangaha.
Na·simang ia video-koba nina man·gen:
Na·simang iakoba poraina man·gen: Indian Super League (ISL) kal•susaaniko skanggipa changna Shillong-o soka chakgen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
