Tura, Dec 8: December 5 tarikoni salgittamna Tura-o ong·atanggipa North East Riders Meet (NERM) 2024, Sonibar attamo nambee matchotangaha.
Ia NERM-ko Garo Hills-ni NH-51 R.E.B.E.L.S dol, Tura-ni samba jolo donggipa Asibra Estate-o sokachakaha aro ia Riders Meet-ona salgro salaram a·dokrangonisan ong·aigija India a·songni dingtang dingtang biaprang aro Nepal aro Bhutan a·songrangoniba gimik sak 3,000-na baten biker-rang re·bae bak ra·angtokaha.
Ia salgittamna ong·atanggipa NERM-o dingtang dingtang program-rang, jekai camping, dingtang dingtang jatrangni dakmesokani, kal·susaani aro mingsinggipa dolrangni concert-rangkoba ong·atangaha.
Ia Riders Meet-ko ong·ataniona dingtang dingtang biaprangoni re·bagipa biker-rang, Garo Hills-ni mingsinggipa aro rona rotogipa biaprangonaba re·ange nina cholko man·aha aro A·chikrangni daka rikanirangkoba nie ra·na cholko man·aha.
Ia NERM-ni skanggipa attamo, gitrangko ring·anichi manderangko an·saoatanggipa dolrangara, Strange Origin, Sonic Fusion aro High Volt dolrang ong·a, gnigipa attamo gitrangko ring·e mesokanggipa dolrangara, Titans, Thunder’s Cave, Dwar aro Ahaia ong·skaa aro uandaken bon·kamgipa attamo gitrangko ring·e manderangko an·saoatanggipa dolrangara, Restless Desire, Colours, Imprints, aro Neeraj Shridhar & Bombay Vikings ong·a.
Ia NERM-ni bon·kamgipa attamo, Mahendraganj-ni MLA Sanjay A Sangma, mongsonggipa sokgipa ong·e bak ra·angaha aro ia tom·anio ua jinmana aganprakengon, ia NERM-ko Garo Hills-o sokachakahani gimin NH-51 R.E.B.E.L.S dolko mittelpilangenba, ia bikers meet-ona re·bae bak ra·gipa pilaknan an·tangni namgipa skaniko on·ataha.
Na·simang ia video-koba nina man·gen:
Na·simang iakoba poraina man·gen: Kerala a·dokni George Jacob-ko Cardinal-ni gadangona ra·doata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
