Sohra, Jan 11: Sohra-o salgnina Cabinet Retreat ba tom•bimongani Sonibar salo matchotaha. Ia tom•bimonganiko Skotong Minister Conrad K Sangma dilangaha aro ia tom•anio cabinet minister-rang, sorkari ni a•gipbi official-rang aro Deputy Commissioner-rang dongpae bak ra•angaha.

Ia salgnina cabinet tom•bimonganio dingtang dingtang katta bichongrangko ra•e chanchirimaniko dakangaha, jeon sorkarini a•gipbi official-rang a•doko chagrongenggipa neng•nikanirangko aro uarangko namdapatani aro a•dokko silroro namroroatani cholrangko talate on•angaha.

Unbaksanaba, ia tom•anio pilak department-rangna an•tangtangni neng•nikanirangko janapna chol on•angaha aro Meghalaya a•dokko 2032 bilsini gisepo tang•doaniko ra•baani cholrangko jinmani mikkango janapchinaba cholko on•angaha.

Una agreba, songsalo rika cho•aniko tang•doatani aro lekka pora skianiko on•ani aro sanna bannani gadango chagrongenggipa neng•nikanirangko mongsongbate ia tom•anio chanchirimangaha.

Indake a•dokko tang•doatna aro silroro namroroatna gita pilak department-rangko bakrime aro nangrime kam ka•china Skotong Minister ge•etaniko on•ataha.

Ia chanchirimanio Meghalaya a•dokko, a•song gimikoni nambatsranggipa a•dok ine channako man•giparangoni 10-gipa biapo ga•akatna miksonge nisanko donangaha.

Uasan ong•aigija, ia tom•bimonganiko ong•ataniara namen bite gnanggipa aro mikrakataniba ong•a ine janapatan baksa, je nisanko donaha uarango chu•sokna man•a gita somoi gita cholrangko ra•china department-rangko didiataha aro field visit-rangko ka•e songni nokni manderang baksa nangrime dongchina aro uamangni nangnikanirangko on•china Sangma, officer-rangko didiataha.

Unbaksana, dingtang dingtang mikrakatani programme-rangko a•jao ong•atchinaba Deputy Commissioner-rangko Skotong Minister janapataha.

Na·simang ia video-koba nina man·gen:

Na·simang iakoba poraina man·gen: NPP dol, MDC election-o susana candidate-rangni 2-gipa list-ko nakatata

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub