Shillong, Nov 17: Bhoirymbong-ni Madan Kurkalang-o salgnina ong·atanggipa Cherry Blossom Festival 2024, Sonibar attamo ga·subee matchotangaha.
Ia chang Cherry Blossom Festival-o a·gilsak gimik mingsinggipa Boney M, Akon, Queen Sensation aro a·songo mingsinggipa dingtang dingtang git ring·giparangba re·bae, manderangko an·saoatangbeaha.
Bilsianti ong·atrongenggipa Cherry Blossom Festival-o gipin biaprangoni mingsinggipa git ring·gipa aro dokgipa dam·giparangkosan rimbaenga ong·ja indiba iano joltangni git ring·gipa aro dokgipa dam·giparangnaba an·tangtangni changa sapanirangko mesokna cholko on·rongenga.
Skanggipa salo, mingsinggipa Queen Sensation, Boney M aro Akon, gitcham gitrangko ring·e manderangko an·saoatangaha aro gnigipa salo, Wanbha’s War, SK Korn, Kanika Kapoor, DJ R3hab aro Clean Bandit, gital gitrangchi manderangko an·saoatangskaaha.
Ia Cherry Blossom Festival-o dingtangmancha Japan Arena-koba donaha aro iano Tura-ni chrokgipa dol ‘Scandal’-ba manderangna chroke mesokangaha.
Salgnina ong·atanggipa ia Cherry Blossom Festival-o git aro doka dam·anirangna agreba manderang, namnamgipa cha·ani ringanirangko cha·e ringe nina aro dingtang dingtang dake an·senge ronaba cholrangko man·aha.
Indake ong·engon, re·baenggipa 2025 bilsini Cherry Blossom Festival-ona 1990 bilsirango mingsing minggamako man·gipa Backstreet Boys dolni Nick Carter re·bae gitko ring·na sienga ine ia festival-ko ong·atenggipa dolrang parakataha.
2025 bilsini Cherry Blossom Festival-na re·baenggipa December 30 tarikonin tikitrangko palna a·bachenggnok ineba uamang parakataha.
Na·simang ia video-koba nina man·gen:
Na·simang iakoba poraina man·gen: Manipur-o so·sojengjeng ong·ani batroroanga; minister-rangni nokrangko manderang chadrapa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
