Dibrugarh, Apr 1: Salgro salaram a•dokrangko Congress sorkari, bilsi 60-na kingking galchipaha ine Sombar salo, Bharatiya Janata Party (BJP)-ni candidate aro Union Minister Sarbananda Sonowal matnangataha.
Dibrugarh Lok Sabha constituency-ni Khowang-o election rally-ko ong•atanio jinmana aganprakangengon, salgro salaram a•dokrangko Congress sorkari, bilsi 60-na kingking galchipe donaiahachim indiba Narendra Modi-ni dilanichi ma•mong sorkariko rika intalan salgro salaram a•dokrango namroro silroroanirangko nikna a•bachengaha ine Sonowal aganaha.
Bilsi 60-na sorkariko chalaianio Congress dol, salgro salaram a•dokrango namroro silroroaniko ra•bana gisik nangjaha ine matnangatengon, BJP sorkarini ning•o da•o salgro salaram a•dokrang ta•raken dingtanganiko nikna man•engaha ine Sonowal aganaha.
Congress sorkarini somoio bang•en ku•mikchetanirangko dakgenchimoba ia ku•mikchetanirangko chu•sokatchipjaha ine matnangatskaengon, salgro salaram a•dokrango namroro silroroaniko ra•bana gita BJP sorkari, bang•a scheme-rangko ra•gataha aro da•o ia a•dokrang namroro silroroaniona re•mikkangengaha ine Union Minister aganaha.
Na·simang ia video-koba nina man·gen:
Na·simang iakoba poraina man·gen: Nagaland-ni ge•sa LS seat-na sak 3 candidaterang susagen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
