Guwahati, Apr 1: India a•songni salgro salaram a•dokrangko ‘landlocked’ ba a•arangchi peng•ako man•gipa biap ine Bangladesh a•songni Md Younis-ni agananiko Assam-ni Chief Minister Himanta Biswa Sarma jegalatenba, ian salgro salaram a•dokrangko India a•songni mongsonggipa biaponiko ma•ekatna miksonge aganani gita ong•a ine parakataha.
Salgro salaram a•dokrangko a•arangchi champengatako man•gipa biap ine agananiara ia jolrangni, chonbegipa ramachi a•songni mongsonggipa bak baksa nangrimaniko bilgriatna jotton ka•ani gita ong•a ineba Sarma aganaha.
India a•songni mongsonggipa biaprangoni salgro salaram a•dokrangona dakbagipa chonbegipa rama, jekon ‘Chicken’s Neck’ corridor ine agantokachim, ia rama ning•a gita aro iani samba gita rel aro gari ramarangko bilakbate taribana nangengani giminba Assam-ni Chief Minister janapangaha.
Salgro salaram a•dokrangoni ia chonbegipa rama gita India a•songni gipin biaprangko nangdimatengon, gipin ramarangko tarina nangengani giminba Sarma aganaha.
“Ia kamrangko ka•anio dingtang dingtang neng•nikanirang aro ra•bianirang donggenchimoba miksongani baksa kamko ka•genchimode iako chu•sokgipa ong•atna man•aigen. Md Younis-ni iandake agananiko an•ching nom•e ra•na nangja maina uni agangipa kattarango ning•tugipa miksonganirang donga,” ine Sarma aganaha.
India a•songni salgro salaram a•dokrangara a•arangchi peng•ako man•gipa biaprang ong•e Bangladesh-ona sokna cholrang dongja ine iana skang Bangladesh a•songni Md Younis, social media-o janapatenba, China a•songko Bangladesh baksa bading chiwalgrikchina didiatahachim ine nikna man•a.
Na·simang ia video-koba nina man·gen:
Na·simang iakoba poraina man·gen: MePDCL, One-Time Settlement Scheme gita bijoli bill gamani tarikko ra·doa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
