Shillong, Jan 9: India a•songni salgro salaram a•dokrango dakchakanirangko man•jaengani a•sel gama ge•ani kamrango neng•nikanirangko chagrongna nangtokenga ine Bristibar salo, Meghalaya a•dokni Chief Minister Conrad K Sangma parakatenba, salgro salaram a•dokrango gama ge•anirangko namdapatna gita pilak nanga dakchakanirangko on•china ma•mong sorkariko didiataha.

Bristibar salo, Umiam-o donggipa Indian Council of Agricultural Research (ICAR)-ni bilsi 50 gapaniko manianio dongpae jinmana aganprakangengon, India a•songni salgro salaram a•dokrango gama ge•anirangko tang•doatna gita pilak nanga dakchakanirangko on•china ma•mong sorkariko didiangaha.

Salgro salaram a•dokrango a•songni mongsonggipa me•su samjakrang, me•gimurang aro bija bitchirangko man•na amgen ine janapatengon, dingtang dingtang neng•nikanirangko chagrongna nangengani a•sel, gama ge•anirango chu•gimik cholrangko jakkalna man•jaenga ine Sangma aganaha.

Salgro salaram a•dokrango dingtang dingtang gama ge•ani bosturangko man•na ama aro ia bosturangko a•songni gipin bakrangonaba watatna man•genchim ine janapatskaengon, game ge•e man•gipa bosturangko ka•sine rakkina gita cholrang chu•ongjani a•sel, ia bosturangko gipin biaprangona watanio neng•nikanirangko chagrongna nangenga ine Chief Minister aganaha.

Gama ge•anirango dingtang dingtang neng•nikanirangko chagrongna nangengoba salgro salaram a•dokrango man•gipa anaros, komila, e•ching aro holdirangko Europe aro UAE a•songrango palna sim•na man•enga ineba Chief Minister parakataha.

ICAR-ni bilsi 50 gapahanina an•tangni kusi ong•chakaniko parakangengon, mikkangchiba salgro salaram a•dokrango game ge•e cha•enggiparangna pilak nanga dakchakanirangko on•angkuchina gita a•dokni Chief Minister, ICAR-ko didiangaha.

ICAR-North Eastern Region (NER)-ni bilsi 50 gapaniko manianio India a•songni President Droupadi Murmu, re•bae bakko ra•pana man•jahaoba uni aganprakaniko chipe ia tom•aniona watatskaaha.

Ia tom•anio, Union Agriculture & Farmers Welfare Minister Shivraj Singh Chouhan-ba bak ra•e, jinmana aganprakangengon, game ge•e cha•enggipa manderangni nanganirangko chu•sokatanio ICAR, a•dok sorkarirang aro agricultural university-rangni gisepo nangrime kam ka•na nangani gimin aganangaha.

Jagittamprakon apsan tom•e chanchirimenba, gama ge•anirangko namdapatna gita ja•kurangko de•chinaba dingtang dingtang dolrangko Union Minister didiangaha.

ICAR-ni bilsi 50 gapaniko manianio, Meghalaya a•dokni Governor CH Vijayashankar, a•dokni Agriculture & Farmers Welfare Minister Ampareen Lyngdoh aro gipinrangba dongpae bak ra•angaha.

Na·simang ia video-koba nina man·gen:

Na·simang iakoba poraina man·gen: Tripura a•dok ru•uta bilsirangni ja•man a•dokni emblem-ko man•a

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub