Guwahati, Jan 6: Salgro salaram jolrango na•tok jile cha•anio, maming chemical ba na•tokrangna namgija ong•atgipa bosturangko bringija jilanio Sikkim a•dokan chu•soksranggipa ong•enga.
Indake, na•tokna nosto ong•atgipa bosturangko brinna gri a•jao na•tok jilaniko dakna miksonganio, Sikkim a•dokni Soreng-o, Pradhan Mantri Matsya Sampada Yojana (PMMSY) scheme ning•o Organic Fisheries Cluster-ko, a•dokni Minister Prof. S. P. Singh Baghel aro George Kurian-ni dongpaanio, Fisheries, Animal Husbandry aro Dairying-ni Union Minister Rajiv Ranjan Singh, Northeastern Region States Meet 2025-ko Guwahati-o ong•atanio a•bachengate on•angaha.
Ia Organic Fisheries Cluster-ni ning•o, na•tokna namgijako ra•bagipa chemical, antibiotic aro jo•ong siatgipa samrangko bringija na•tok jilaniko dakgen aro iako dakanichi samtangtango donggiparangko nosto ka•aona ra•bajawa, chiko rongtalgipa ong•atgen aro na•tokrangko an•seng baljokgipa ong•atna man•gen. Iandake jilgipa na•tokrangko bazaar antirango aro gipin biapchina watatanioba dam rakkalao bading chiwalna man•a.
Na•tokni rokomrang jekai Amur Carb aro gipin Carb-ni rokomrangko jilani gimin niatgenchimode, ia cluster-ni gita nambatsranggipa na•tokrangko on•a miksongenga. Iandakgipa na•tok jilaniko dakanichi, Sikkim a•dokni ge•a gamani aro jila kaanirango chu•sokanichi, a•gilsak gimiko nambatsranggipa na•tok jilani a•ba uamangko chugipa gadango niksenganggen aro janggi tangani bewalrangko tang•doatan baksana namgipa cha•aniko on•anio dakchakaniko on•aba man•gen.
National Bank for Agriculture and Rural Development (NABARD), dingtangmancha ia Organic Fisheries Cluster-ko a•bachengatanio mongsongbatgipa bakko ra•e kam ka•gipa ong•a. Technical-ni gita aro tangka paisani gita dakchakaniko on•an baksa, Fisheries-based Farmer Producer Organizations (FFPOs)-ko aro Fishers’ Cooperatives-ko Sikkim-o a•bachengatnaba dakchakaniko on•anggen.
Na·simang ia video-koba nina man·gen:
Na·simang iakoba poraina man·gen: Giljao git ring•giparangko salanggipa gari bolsa West Khasi Hills-ni tu•begipa a•kuangchi ga•akonanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
