Guwahati, Dec 21: A•songni salgro salaram jolrangan buring bolgrim-rang jalanina mingsingbegipa ong•a, indake ong•genchimoba, 2021-2023 bilsirangni gisepo ia buring bolgrim-rang 327.30 sq km mangni gita gimaangaha ine India State of Forest Report 2023(ISFR 2023) parakataha.

Ia report-ko Dehradun-o donggipa Forest Research Institute-o tom•anio, Environment, Forest aro Climate Change-ni Union Minister Bhupender Yadav parakataha.

Ia ISFR-ko 1987 bilsioni dipet  a•songni buring bolgrim-rangko nirokna miksonganio Forest Survey of India (FSI) a•bachengataha.

2021 bilsioni a•song gimiko 1,445 sq km mangni gita buring bolgrim-rang barigenchimoba, salgro salaram a•dokrangna jajrengsoani ong•skaenga ine Minister parakataha.

Meghalaya, jekon “Scotland of the East” ine mingsingako man•gipa a•dok ong•achim, da•alo 84.07 sq km mangni gita buring bolgrim-rang gimaangaha. Ia buringrangni komiangani a•selrangko niatgenchimode, a•doko mande jelroroani a•selo songdong a•chana, game ge•e cha•na aro nokrik nokdake janggi tangna bol wa•arangko den•galani ong•enga ine u•ina man•enga. Ia a•doko a•ba o•e cha•aniko chengonin ja•rikbaengaha, aro ia ge•a gamaniko dakna gita buring bolgrim-rangko den•gale gala aro iako dakani ja•mano a•mitimrang komiangani a•sel gipin biapona chong•motan, damgipin buringko o•taia aro a•bako cha•a jean buring bolgrim-rangko gimaataona sokata.

Indake, a•song gimiko 7.98% mangni gitasan buring bolgrim-rang dongengon, salgro salaram jolo 21.08% mangni gita buring bolgrim-rang gnangchim. Indake ong•genchimoba manderang ni jelrorobaanichi aro buring bolgrim-rangko den•galanichi ia jolrangna jajrengchakani ong•skaengaha.

Indake, salgro salaram jolrangoni, Nagaland a•doko 125.22 sq km, Tripura a•doko 100.22 sq km aro Assam a•doko 83.92 sq km mangni gita buring bolgrim-rang gimaangaha ine report-o parakataha.

Na·simang ia video-koba nina man·gen:

Na·simang iakoba poraina man·gen: Mawsymram Dorbar Snong-ni Mawjymbuin Cave-o olakianiko champenganio KHADC-ba chakpaaniko on•a

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub