Guwahati, Dec 9: Myanmar, Bangladesh aro Nepal a•songoniko sima ari gita India a•songona sona badingsrukbana gita salgro salaramni dam 4 a•dokrang, chong•motan, Arunachal Pradesh, Nagaland, Manipur aro Mizoram a•dokrangko mongsong ong•e jakkalenga ine Directorate of Revenue Intelligence (DRI) parakataha.
Silliguri-ni mongsong cholguga gita a•songona niam gri sona badingsrukbaenganiko champengsona ba bon•atna DRI raken kamko ka•enga. Uamangni am•sandina bimung dongipa “Operation Rising Sun”, 2024 bilsini March 12 tariko, niamgri badingsrukenggipa dolrangko Guwahati-oniko rim•na man•aha. Indake ia am•sandianio, 22 kg 74 gram ong•gipa sona, gong lakh 13 tangkarang, ge 21 gari chabirang, ge 30 mobile phone-rang aro jak donggipa sak 6 manderangko rim•na man•aha. Unbaksana Assam, Bihar aro Uttar Pradesh-o am•sandianioba, gimik gimang 61 kg 08 gram-ni sona, jean gong crore 40.48 damni ong•achim aro jak donggipa sak 12 manderangko rim•na man•aha.
Indake, Silliguri-ni mongsong cholguga 20-22 km mangni gitasan dongaia aro iamangmangsan salgro salaramoni gipin a•dokrangona nangdimani cholguga ong•aia aro ia chonbegipa biaponikon 4% mangni chong•motan gong 30 crore mangni gita DRI rim•na man•aha aro iachin Silliguri, badingsrukna jakkalanio mongsonggipa cholguga ong•enga ine u•ina man•a ine uamangni report-o janapataha.
Una agreba, West-Bengal aro Bangladesh-ni sima arioba niamgri badingsrukanirang batenga, jeon, uamang sona aro gipin bosturangko badingna gita India aro Bangladesh-ni sima arini gisepo cho•gimin a•kolko jakkalenga ine u•ina man•aha. Ia badingsrukgipa sonarangko Kolkata-ona ra•angenga jekon, India a•songni dingtang dingtang bakrangona palatskaaniko dakenga.
Ia badingsrukbagipa sonarangko jrongatenba, uarangko jewelry ba ganani bosturangko uamang tariskaenga jekon, altuae anti cha•chakram biaprango niam gita palna man•skaenga. Ia badingsrukbagipa dolrang namen chalakkigiparang ong•a, badingsrukna gita uamang ramram bostu salgipa garirangko jakkala, jeon, iandake niamgri badingsrukgipa bosturangko sike ra•chakna nikgijagipa biapko taria aro uasan ong•aigija private car, truck aro basakobade train-rangko bostu salna jakkalronga aro ia sonarangko uamang garini chassis-rango sike ra•baronga ineba uamangni report-o janapaha.
Indake, sona badingsrukna gita basakobade uamang chi gita ra•batna jotton ka•ronga aro a•songni mongsonggipa biaprangona sokahaon uamang ia sonarangko dingtang dingtang bakrangona sokatna jotton ka•skaa.
Iandake sona badingsrukgipa dolrangko bonatna gita DRI mongsonggipa bakko ra•e kamko ka•enga aro jak donggipa mongsong manderangko uamang rim•naba man•aha. 2023-2024 bilsini gisepo 1319 kg mangni sonarangko uamang rim•aha.
Indake, Middle East aro Southeast Assian a•songrangoni India a•songona badingsrukna gita plane-rangko jakkalskaa aro ia badingsrukanio Affrican aro Central Asian a•songrangban mongsong ong•enga.
Indake, a•songona sona badingsrukgipa dolrangko am•sandianio, DRI baksa Border Security Forces-ba bakrime kamko ka•enga.
Na·simang ia video-koba nina man·gen:
Na·simang iakoba poraina man·gen: IIT Guwahati, methane aro carbon dioxide-ko mandena jakkaltobegipa to ong•atna gital technology-ko bikota
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
