New Delhi, Dec 13: BJP dol, United People’s Party Liberal (UPPL) dol baksa nangrime da·o Bodoland Territorial Council (BTC)-ko chalaina siengahani gimin, salgro salaram a·dokrango songdongenggipa manderangna dangdike on·na gita National Democratic Alliance (NDA) sorkari on·kange kam ka·enga ine Robibar attamo, a·songni Prime Minister Narendra Modi parakataha.
NDA is committed to serving the people of the Northeast.
I congratulate our ally UPPL and @BJP4Assam for securing a majority in the Assam BTC election, and wish them the very best in fulfilling people’s aspirations.
I thank the people for placing their faith in the NDA.
— Narendra Modi (@narendramodi) December 13, 2020
“Salgro salaram a·dokrango songdongenggipa manderangna dangdike on·na gita NDA sorkari on·kange kamko ka·enga. Ching baksa bakrimenggipa UPPL aro Assam a·dokni BJP dolna anga an·tangni kusi ong·chakaniko parakna ska. NDA-o bebera·e seokahani gimin anga manderangkoba mittelpilna ska,” ine Modi, social media-o parakataha.
Ia chang BTC election-o UPPL dam 12 seat-rangko aro BJP dol, dam 9 seat-rangko cheahachim.
BTC election-o chee da·o dolgni nangrime council-ko chalaina miksongengani gimin Union Home Minister Amit Shah-ba, BJP Assam unit aro UPPL dolna an·tangni namgipa skaniko parakataha.
