New Delhi, July 7: Budbar attamo ma·mongni Cabinet-ko a·songni Prime Minister Narendra Modi, gital dake sualpiltaiaha aro Cabinet-ko sualpiltaianio sak 43 dilgiparangko Union Minister-na rimnapaha.
Ia gital minister-rangni bimingko New Delhi-ni Rashtrapati Bhavan-o ku·mikchetatna skang jinmana parakataha.
Cabinet-o rimnapako man·gipa sak 43 MP-rangoni sakbride salgro salaram a·dokrangoni ong·a aro uamangara Arunachal Pradesh-oni Kiren Rijiju, Assam-oni Sarbananda Sonowal, Manipur-oni Dr RK Ranjan Singh aro Tripura a·dokoni Pratima Bhowmik ong·a.
Sak 43 MP-rangoni sak 7-de Minister of State (MoS)-oni Union Minister-ona ra·doatako man·gipa MP-rang ong·a aro sak 36-de gital rimnapako man·gipa minister-rang ong·a.
Ia chango sak 43 gital membor-rangko rimnapahani gimin Union Minister-rang da·o sak 77 gapengaha maina iana skangde minister-rang sak 58-san dongkupitichim.
Gital minister-rangni ku·mikchetna skang, komibeoba sak 13 minister-rangde kamtangtangko watangaha aro uamangoni mongsonggiparangara Dr Harsh Vardhan, Prakash Javadekar, Ravi Shankar Prasad, Ramesh Pokhriyal aro gipinrang ong·a.
Union Social Justice & Empowerment Minister Thawarchand Gehlot-koba Mongolbar salo Karnataka-ni Governor-ona ra·doatskaahani gimin, uaba apsan somoion kamtangko watangaha.
Budbar attamo Union Cabinet-o rimnapako man·gipa sak 43 gital minister-rangni bimingranga, Narayan Tatu Rane, Sarbananda Sonowal, Dr. Virendra Kumar, Jyotiraditya M Scindia, Ramchandra Prasad Singh, Ashwini Vaishnaw, Pashu Pati Kumar Paras, Kiren Rijiju, Raj Kumar Singh, Hardeep Singh Puri, Mansukh Mandaviya, Bhupender Yadav, Parshottam Rupala, G Kishan Reddy, Anurag Singh Thakur, Pankaj Choudhary, Anupriya Singh Patel, Dr. Satya Pal Singh Baghel, Rajeev Chandrasekhar, Shobha Karandlaje, Bhanu Pratap Singh Verma, Darshana Vikram Jardosh, Meenakashi Lekhi, Annpurna Devi, A Narayanaswamy, Kaushal Kishore, Ajay Bhatt, BL Verma, Ajay Kumar, Chauhan Devusinh, Bhagwanth Khuba, Kapil Moreshwar Patil, Pratima Bhoumik, Dr. Subhas Sarkar, Dr. Bhagwat Kishanrao Karad, Dr. Rajkumar Ranjan Singh, Dr. Bharati Pravin Pawar, Bishweswar Tudu, Shantanu Thakur, Dr. Munjapara Mahendrabhai, John Barla, Dr. L Murugan aro Nisith Pramanik ong·a.
