Tura, Sept 18: Tura songjinmaoni jatni bewalo sam-achikchi sana-bananirangko dakenggipa manderang, West Garo Hills-ni Social Forestry Division-ni Divisional Forest Officer (DFO)-ni jak gita State Medicinal Plant Board-oniko adita dakchakanirangko man·aha.

An·tangni u·ia gita sam-achikchi sananirangko on·na Tura-o private clinic -ko kulligipa Dr. Cornelius R. Marak aro “Sam-Achik” ingipa hospital-ko chaliskagipa Dr. Vidyanist Marak-maang, Sukrobar salo, chokki ge 25 prakko uamangni sanram biapo jakkalna sorkarini on·aniko ra·chakangaha. Unbaksana, hospital-ni storeroom-ona ge·gni steel rack-rangkoba uamangna on·dapangaha.

Ia dakchakanirangko on·ani bidingo Social Forestry Division-ni DFO aro SMPB-ni member secretary-ba ong·enggipa Pa R.K. Marak, unomiting Hubnews koborna aganangengon, sorkarini dakchakaniko man·gnigiparang, batanggimin salo Board-ni dakchakaniko am·ahachim, uandake plastic chair aro rack-rang jensomoio sokbahaon chinga ia bosturangko uamangna pakwate on·aha ine parakataha.

Jattangni samrangchi iandake sana-banani cholrangko on·enggipa a·dokni manderangna dakchakna gita, National Medicinal Plant Board (NMPB), State Medicinal Plant Board (SMPB)-na tangka-paisarangko on·atenga jekon, on·gimin bilo pangchake Forestry Division, man·gnigiparangna dakchakaniko on·skaenga ine nikna gita man·gen.

Iakoba poraie nina man·gen: Garo Cultural Heritage-ni bidingo symposium-ko ong·ata

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub