Guwahati, Nov 24: Bharatiya Janata Party (BJP) dol, bilsi 25-na Congress dolni chebaenggipa Assam-ni Samaguri Assembly Constituency seat-o cheaniko man•e itihas-ko rikangaha. BJP dolni candidate Diplu Ranjan Sarma, 65% jat bang•pagijagipa manderangni donggipa biapo bang•bea margin-rangchi cheaniko man•aha.

Assam a•dokni Skotong Minister, Himanta Biswa Sarma, BJP dolni a•doko namroro silroroanina miksonge ja•ku de•anirangko manderangni namnike ra•chakani chin ong•a ine ua u•iataha.

Assam a•dokni manderang, Samaguri Assembly Constituency-o chena gita dakchakaniko on•e dal•bea on•pilskaaniko dakaha, inenba Assam-ni Skotong Minister, uni Facebook page-o see parakataha.

Nagaon-ni Congress dolni MP Pradyut Bordoloi-ni party-na chakpaaniko on•engon, Samaguri seat-ko man•ani neng•begipa ong•achim ine aganengon, Samaguri-ni manderang Congress dolko jegalenba BJP dolni niksamsoe kakket ong•e sason ka•na miksonganiko ra•chakaha inenba Skotong Minister u•iatangaha.

BJP dol dam 3 seat-rango aro uamang baksa bakrimgipa dolrang dam 2 seat-rango chong•motan Asom Gana Parishad (AGP)  seat ge•sa aro United Prople’s Party Liberal (UPPL) dol seat ge•sako man•rikenba, Assam bye-election-o uamang chu•gimik ge 5 seat-rangko man•rikaha.

Congress dol, ia seat-ko a•kange dongna gita jat komigipa manderangni vote-o ru•uta bilsirangna pangchakaha, indiba ia chango BJP dolni jat bang•pagijagipa manderangona sokna jotton ka•ani chu•sokgipa ong•aha.

Na·simang ia video-koba nina man·gen: 

Na·simang iakoba poraina man·gen: Assam-ni CM, Jharkhand-o BJP dol sirikanina suk ong•ja

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub