Shillong, July 7: Organic farming ba maming samasalko jakkalgija ge·a gamaniko jako ra·china Meghalaya a·dok sorkari game cha·giparangko didie jakkindilanio nambee chu·sokangenga. Skango pagitchamrang jekai samasalko jakkalgija ge·a gama, ukon da·o ja·rikpilna jotton ka·enga.
“Ritchaprako 75mangni gitade a·dokni manderang game cha·giparang ong·toka, an·chingni songsalde mongsong ge·e game cha·gipaan ong·a. An·chingni a·doko dingtangmanchagipa bolam bolterang aro Meghalayaosa man·giparang donga. Uarangko da·o a·gilsako am·tokenga. Am·tokengani a·sel mingsade sorkarini uarangko mingsingatna kam ka·ani ong·a indiba mongsongbatede Meghalayao organic farmingkosa da·onaba mongsong dakkuengani gimin ong·a? ine Agriculture & Family Welfare Minister Dr Mazel Ampareen Lyngdoh Shillongo salsa ong·atgipa Bharat Agri Conclave cum International Buyer-Seller Meet-o aganaha.
Ua prorammeko ong·atani miksongara salgro-salaram a·dokrangni ba mongsongbate Meghalayao ge·e game man·gipa bosturangko a·gilsakna mesokatna aro ra·dona gita ong·a. Uko dakanichi Meghalayao game cha·gipa aro man·gimin bolam bolterangko cha·ani tarigipa dolrangko India aro a·gilsakni dal·dalgipa manderangming badingrimna cholko bikotani ong·a.
“Me·su samjakrangni gimin aganon, sam jakkalao pangchake me·su ge·ako an·ching namnikja, aro indaken, samasal jakkalgija me·su samjak man·aniona game cha·giparangko ku·pattie a·dok sorkari dilangpilenga,” Ampareen agankuaha.
Ua tom·aniko ong·atani Indiani dol 70 bate badinggiparang baksana gipin a·song dam 12ni manderangba Meghalayani dingtangmanchagipa bolam bolterangko nitokaha. Ua biterangko, me·su samjakrangko, bija bitchiko, a·dokni moslarangko aro gipinrangko mesokaha.
Tom·aniko Agricultural and Processed Food Products Export Development Authority (APEDA) aro Department of Agriculture and Farmers Welfare, Meghalaya nangrime ong·ataha.
Na·simang ia video-koba nina man·gen:
Na·simang iakoba poraina man·gen: Goalparani rehab centre damsao Garo chadambe sia, uko so·otasa ine chanchichipa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
