Shillong, July 14: South Shillong-ni BJP MLA, Sanbor Shullai, poraianio aro kal•susaanio chu•sokaniko man•gipa dingtangmancha nirokaniko nangenggipa sak 6 chatro chatrirangko mitelpilskaani gita an•tangni jasani dormahaoniko uamangna ka•sae on•angaha.
Raid Laban Sports Social and Cultural Club-ni gita ia chatro chatrirangna mitelpilskaani program-ko State Convention Centre-o Sonibar salo ong•atangaha.
Ia program-o, Fernando Speech and Hearing Centre, Umiam Ri-Bhoi District, Shillong-ni Bethany Society, Jyoti Sroat School Shillong aro Lumparinh Vidhyapeeth Secondary School, Shillong-oni dingtangmancha nirokaniko nangenggipa chatro chatrirang jemangan, poraiani a•bao aro kal•susaani a•bao chu•sokaniko man•ahachim, uamangna Shullai an•tangni jasani dormahaoniko ka•sae on•pilskaangaha.
Ia tom•anio Shullai, Europe-ni Maldova-o ong•atnasienggipa World Arms Wrestling-o susaana seoka man•gipa Bethany Society-oni Priska Pyngrope-na, uni dormahaoniko gong lakh 1-ko on•anggen ine parakataha.
Una agreba, 2024 bilsini SSLC porikka-o 89% man•e pass ka•gipa Ankita Das baksana gipin chatro chatrirangna gong 20,000 tangkarangko dakchaknaba ua ku•rachakangaha.
Na·simang ia video-koba nina man·gen:
Na·simang iakoba poraina man·gen: Donald Trump-ko so•otna jotton ka•anio ua saknaako man•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
