Guwahati, Apr 16: Assam a•dokni Silchar-o bilsigni jagittam ong•gipa bi•sa saksako sanengmitingo kragija dake satkapaha ine matnangani ja•man doctor saksako rim•aha.
Ia a•sel, Sombar attamo Silchar-o donggipa private eye hospital-o ong•aha aro ia bi•sani ma•gipa police-rangna badi ka•doangani ja•man ia doctor-ko rim•aha.
Ia bi•sani ma•gipa ja•mano ia a•sel ong•ani video baksa social media-o talataniko on•ataha. Ia me•chikni aganani gitade, uni bi•sa mikron saengani gimin ua bi•sako rime Silchar-ni Choudhury Eye Clinic-ona re•anga aro ia bi•sako sanengmiting somoio me•chik doctor saksa, ia bi•sani mikrono moila napaha ine aganenba, uko sanna a•bachengaha. Ia bi•sani mikronko sanengmiting somoio rang•san ua me•chik doctor-ko bi•sako satkapataha ine ma•gipa video-o parakaha.
Ia doctor, uni bi•sako chang 7 ba chang 8 satkapahani a•sel ua saaniko man•aha ineba bi•sani ma•gipa agankuaha.
Ia a•sel ong•ani ja•man, bi•sani ma•drangrang rang•san ka•a ding•chaoe, ia clinic-o adita so•sojengjeng ong•anirangkoba nikna man•aha. Ja•mano clinic-ni manderang aro bi•sani ma•drangrangba iani bidingo police-rangna u•iataha aro bakan Silchar Sadar police station-ni sipairang ua biapona sokbaaha.
Silchar SP-ni aganani gitade, uamang dolgnini badi ka•anirangkon man•soaha aro iani bidingo police-rang, Bharatiya Nyay Sanghita (BNS)-ni ning•o mokordoma ka•e, am•sandianirangko dakna a•bachengaha.
Indake ong•engon, ia doctor-ni kosako matnanganirangko Dr HK Choudhury-ba jegalatskaaha aro ia bi•sako uamang namatnasa dakchake on•engachim indiba nokdangni manderang iako ma•sisretaha ine talataniko on•angaha.
Na·simang ia video-koba nina man·gen:
Na·simang iakoba poraina man·gen: Manipurni Amur Falcon do·orang Siberiachi bilangpila
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
