Tura, February 25: Mahendraganj-ni MLA Sanjay A Sangma, South West Garo Hills-ni Indo-Bangladesh sima ari sepango donggipa Boldamgre songni Urban and Wellness Centre-ko nokdonggae on•angaha, jeon sorkarini official-rang, sana bananio namen sapbegiparang aro jolni dilgiparang dongpae bak ra•angaha. Sima ari jolrango aro songadamrango sana bananirangko namdapatna miksonganio ia Urban and Wellness Centre-ko rikaha.
Ia program-ko ong•atanio, an•seng baljokanina aro be•enna namgniko on•gipa cha•a ringanirangko on•china gita “Eat Right, Eat Healthy” ingipa ja•ku de•aniko, MLA a•bachengate on•angaha.
Skango manderang sana bananiko ra•na gita chel•bea biaprangona re•na gita nangachim uko gisik ra•atpiltaiengon, songtango ia gitalgipa health centre-ko man•anina kusi ong•aniko Sangma parakataha.
Ia tom•anio Health official-rang, sokbagipa manderangna ia centre-ni gamchatani gimin aganangaha. Indake ia tom•anio, jolni dilgiparang uni kam ka•anirangna aro nambata sana bananinako on•a miksong•e ambulance-rangko on•anina MLA-ko de•mittelangaha.
Na·simang ia video-koba nina man·gen:
Na·simang iakoba poraina man·gen: Tura-ni Don Bosco College-o Annual Food Fest-ko ong•ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
