Shillong, Mar 16: Sankardev College Shillong aro Institute of Plasma Research, Department of Atomic Energy, Government of India baksa ku•monge salbongani exhibition,“The Fourth State Plasma Exhibition” ine pangchakani katta bichongko donenba, March jani 11-15 tarikona ong•atangaha. Indake,bon•kamgipa salo, chongmotan March 15 tariko, ‘Valedictory Function’ko ong•atenba matchotatangaha.
Ia tom•anio, a•dok sorkarini Chief Secretary, Pa D. P. Wahlang, IAS, mongsonggipa sokgipa ong•enba bak ra•angaha. Una agreba, Education Department-ni Commissioner aro Secretary, Shri Syed Md. A. Razi, IRTS baksana College Governing Body-ni president, Memborrang aro gipinrangba bakko ra•angaha.
Tom•anio jinmana aganprakengon, Collegeni iandakgipa nangchongmotgipa programme-rangko ong•atanichi, science aro plasma scienceni gimin gisiko nangatna jotton ka•enganina mitelpilskaaniko dakan baksa, College-ko Scientific Outreach Program-o pangchake IPR, Gandhinagar aro Guwahati-ni CPP baksa ku•monge ia programme-ko ong•atangahaninaba, ua mitelpilskaaniko dakataha.
Indake, Head Outreach Division,IPR, Gandhinagar-ni Scientific Officer, Dr. A. V. Ravi Kumar, ia exhibitionko ong•atani chu•gimik miksonganiko agantalate on•angaha.
Ia sal bongana kingking ong•atanggipa program-o, sak 1500 mangni gita dingtang dingtang skul, college, NEHU, NIT-ni chatro chatrirang aro Research Scholar-rang re•bae bak ra•anganiko nikangna gita man•aha.
Na·simang iakoba poraina man·gen: Songdu chibimao choruraani cholrangna Shipping Ministry Rs 645 krorko jakkalgen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
