Shillong, Jan 16: Meghalaya a•doko sanna banani kamrangko nambatatna sorkarini on•kange kam ka•anio, 9 percent-ko Health department-na chamaha aro ian a•songo bang•bate tangka paisa chamaniba ong•aha ine Bristibar salo, Eastern West Khasi Hills a•jani Mawthadraishan constituency ning•o donggipa Myriaw Rural Health Centre (RHC)-ko nokdonggae on•anio, Meghalaya a•dokni Chief Minister Conrad K Sangma parakataha.
Ia Rural Health Centre-ko nokdonggae on•anio a•dokni Chief Minister baksana Rajya Sabha MP Dr WR Kharlukhi, Mawthadraishan MLA Shakliar Warjri aro dingtang dingtang sorkari official-rangba dongpae bak ra•angaha.
Sanna banani kamrango chagrongna nangenggipa dingtang dingtang ra•bianirangko janapangengon, batanggimin bilsisnini gisepo a•dokni songadam nokadamrango sanna banani kamrangko namdapatna gita sorkarini dingtangatgipa kamrangko CM mesoke on•angaha.
Ia Myriaw RHC-ko rikna gita Chief Minister’s Special Development Fund-ni ning•o gong lak 38.8 tangkarangko chame on•aha aro ja•mano gong lak 38 tangkarangko chamdapataha. Ia health centre-ni ning•o dam 21 songrangko man•chapenga aro ia RHC-ko Shillong-ni Dr HG Roberts Hospital chalaienga.
Manderangni namgnina ia RHC-ko chalaiengani gimin Dr HG Roberts Hospital-ko mittelpilangengon, ia hospital-na Laser Lithotripsy service-ko on•na gita Chief Minister ku•rachakaniko on•angaha.
Na·simang ia video-koba nina man·gen:
Na·simang iakoba poraina man·gen: 2025 bilsina miksonganirangko CM mesoke on·anga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
