Williamnagar, October 26: A•gilsakko watanggipa gitcham MCS officer Santosh R. Marak-ni manggisi Bristibar salni 1:55 bajimango, Williamnagar-o donggipa uni nokona sokeaha.
Marak-ni a•gilsakko watanganichi Williamnagar jolni manderangna bang•a gimaani ong•aha aro uandaken uni manggisiko uni nokona ra•baanio bang•bea manderangan nichaksotokaha.
Santosh R. Marak, 1959 bilsini June jani skanggipa antio East Garo Hills-ni Chimagre songo atchiaha aro uni poraianirango una uni gumetanggipa dakchakaha.
Ua Williamnagar jolo skanggipa MA-ko pass ka•chenggipa aro MCS Officer ong•gipaba ong•a. Ua MCS-ko pass ka•e Williamnagar DC office-o EAC-ni kamko ka•chengaha aro Samanda Block-o BDO-ba ong•aha.
Shillong Additional Secretariat-o ua Soil and Water Conservation-ni Deputy Secretary-ni kamkoba ka•aha.
Santosh R. Marak sagi, Tura-ni Bishop Andrew R. Marak-ni grigipaba ong•achim.
Indake, October-ni 26 tariko Bishop Andrew R Marak, Loyola College aro School-ni Father-Sisterrang baksa an•tangni grigipana dingtangmancha misa-boliko on•aha. Misa-bolio Bishop jinmana aganengon, uni grigipa Santosh R. Marak, poraimitingo aro uni ja•manba uoniko mamungkoba bi•a dongjachim, indiba uko Holy Cross Hospital-o donengmiting somoio una misa-boliko on•china aganaha, uni gimin da•alo una dingtangmancha ia misa-boliko on•enga ine agane, ia tom•aniona sokbagipa pilakkon ua mitteljolataha.
Ia dal•begipa misa-bolio GHADC-ni CEM Albinush R. Marak, GHADC-ni gitcham CEM Denang T. Sangma, Williamnagar-ni MDC, Alphonsus R. Marak, Williamnagar-ni gitcham MLA Deborah R. Marak, Tura-ni gitcham MLA Billy Kid A. Sangma aro gipinrangba dongpae bak ra•angtokaha.
Santosh R Marak sagi, Budbar salo, Chennai songjinmani Apollo Hospital-o a•gilsakko watangahachim.
Iakoba poraie nina man·gen: NEHU-o poraienggipa chatro chatrirangni dabianiko knachakjaengani gimin jingjengata
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
