New Delhi, July 11: Ma·mong sorkario gital songako man·gipa Union Ports, Shipping & Waterways Minister Sarbananda Sonowal, Robibar salo an·tangni Ministry-ni jako ra·e ka·enggipa dingtang dingtang kamrangko nipilangaha.

A·songni Prime Minister Narendra Modi aro ma·mong sorkarini una on·gimin kamrangko name chu·sokatna gita ua rake kamrangko ka·gen ine ia project-rangko nipilangani ja·man Sonowal parakataha.

Kamrangko ja·manchakatgija somoi gita matchotate on·na ua an·tangni gital dol baksa kamrangko ka·gen ineba gital Union Minister aganaha.

Transport Bhawan-o donggipa Ministry of Ports, Shipping & Waterways office-ona uni sokangani somoio Sonowal-ko Ports, Shipping & Waterways-ni Secretary Sanjeev Ranjan, additional secretary Vikram Singh aro gipin official-rang rimchaksoaha.

Batanggimin somoirangoba Sarbananda Sonowal, changgnina kingking Lok Sabha-ona seokako man·e, 2014 bilsioni 2016 bilsiona skanggipa Modi sorkario, union sports & skill development minister ong·e dangdikangaha aro uni ja·man ua Assam-ni chief minister ong·skaahachim.

Ia 2021 bilsini Assam Assembly election-ni ja·man ua an·tangni biapko BJP-ni sakgipin dilgipa Himanta Biswa Sarma-na wate on·angskaaha aro uandaken Modi sorkario gitcham Union Ports, Shipping & Waterways Minister Mansukh Mandaviya-ni biapko ra·rikskana man·aha. Mandavya da·o a·songni gital Union Health Minister-na songako man·skaaha.