Imphal, Jan 6: ‘Chiuluan2’ chong•motan, satellite transmitter tekchape watatgipa Amur Falcon ba do•reng gita dakgipa bimangni chongipa do•o manggnioni mangsa, Kalahari Desert-ko batsotange South Africa-ona sokangaha. Ia do•oko Manipur a•dokni Tamenglong a•jao donggipa song damsani bimungchi mingaha.
Ia koborko, Wildlife Institute of India (WII)-ni scientist, R. Suresh Kumar parakataha. Indake, Kumar, ia do•oni songreaniko nirokenggipa ong•a aro uni aganani gitade, ia do•o Arabian Sea ba sagalko konta 17-na bilbatanga ja•man Somalia-o sal 5-na kingking ma•chakeaha.
Batanggimin 2024 bilsini November 8 tariko, Manipur Forest Department aro ua jolo songdonggipa manderang nangrimenba, Amur Falcon do•o manggnio chong•motan, ‘Chiuluan2’ aro ‘Gwangram’ do•o manggnio satellite transmitter-ko tekchape watataha. Iako dakengani miksonganiara, Tamenglong-oni uamang badia biapona bilanggen aro ma•chakegen, uko u•ina man•a gita satellite transmitter-ko tekchape watatani ong•achim.
Ia do•o ‘Chiuluan2’, Johannesburg-ni saliram jolo donggipa African Veldt ba samsiarigipa apalbegipa biapona Sonibar salo sokangaha ine aganan baksa, ‘Chiuluan2’ de bipa ong•a aro ‘Gwangram’ de bima ong•a, indake ong•genchimoba December 13 tarikonin ‘Gwangram’-ni maming kobor ba signal-ko man•jaenga ine Kumar janapataha.
Amur Falcon do•orang, a•gilsak gimiko donggipa gipin do•orangna bate chel•bate bilna ba songrena man•gipa do•o ong•a, uamangko Wildlife Protection Act-ni ning•o nirok simsakniko aro ripinganiko dakenga.
Na·simang ia video-koba nina man·gen:
Na·simang iakoba poraina man·gen: Police constable saksa an•tangni ra•bitgipa AK-74 rifle-chi an•tangko gomane sia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
