Guwahati, Dec 22: ‘Save Democracy’ ba a·songni ‘democracy-ko jokatchina’ dabie Sukrobar salo, Assam Pradesh Congress Committee-ni membor-rang, Guwahati songjinmao donggipa Rajiv Bhawan mikkango jingjengataniko dakangaha.
Parliament-o chel·chakanirangko on·na man·jani gimin aro Lok Sabha baksana Rajya Sabha damgnion opposition dolni sak 146 MP-rangko ra·galahani gimin Sukrobar salo a·song gimikon Indian National Developmental Inclusive Alliance (INDIA)-o bakrimenggipa dolrang jingjengatanirangko dakangaha.
Ia jingjengatanirangko dakanio Congress aro INDIA-o bakrimenggipa dolrang, BJP sorkarini kosako jegalanirangko dakangtokaha.
BJP sorkarini kamrangko jegalatengon, ia sorkari a·songni jakgitelani aro niam bidikkon bon·atsrangaha ine Assam Pradesh Congress Committee-ni president Bhupen Borah aganaha.
Iakoba poraie nina man·gen: Manipur-o bilongbee sinani a•selo, sal 8-na skulrangko chipata
Watch
