Shillong, July 3: Robibar salo, State Bank of India (SBI) North Eastern Circle-ni ning·o donggipa Officers’s Association-ni chang 31-gipa annual general meeting ba bilsini tom·bimonganiko Meghalaya a·dokni Chief Minister Conrad K Sangma, Shillong songjinmani U Soso Tham Auditorium-o do·ga oe on·angaha.
Ia tom·bimonganiko a·bachengate on·angani somoio a·dokni Chief Minister, jinmana aganprakangengon, SBI-ni regional office-ko Kolkata-oniko Guwahati-ona ra·bana gita PA Sangma sagini jak dongpaani bidingo gisik ra·atpilangenba, sorkarini dingtang dingtang program-rangko name chu·sokatna gita bank-rangan onbatgipa gadango mongsonggipa kamrangko ka·giparang gita ong·a ine talataniko on·angaha.
Chief Minister-ni parakatani gitade, a·dok aro ma·mong sorkarini dingtang dingtang scheme-rangko ra·na gita manderang bank account-rang dongna nangani gimin sorkarini scheme aro program-rangko chu·sokgipa ong·atna gita bank-rangan songadam nokadamrangoba bank account-rangko kulie on·anichi mongsonggipa kamko ka·giparang gita ong·skaa.
Manderangna chu·ongnikanirangko on·na man·na gita SBI-ni kamrangko namdapatchina gita didianiko on·angengon, manderangna dangdike on·anio ka·saani aro ka·oksiani gnang kamrangko ka·china Sangma didiangaha.
Bang·bata manderangan SBI-osa ka·dongbatani gimin SBI-ni officer-rangan bank-ni kamrangko namdapatna man·giparang ong·enga ineba Chief Minister aganaha.
Sorkarini gita pilak nanga dakchakanirangko on·na jotton ka·gen ineba Chief Minister, ia tom·anio SBI-ni officer-rangna ku·rachakaniko on·angaha.
