Shillong, May 17: Sorkarini jako ra•enggipa kamrangni bidingo officer-rangna talate on•na Sukrobar salo, Meghalaya a•dokni Chief Minister Conrad K Sangma, dingtang dingtang a•jani deputy commissioner-rang aro Civil sub-division officer-rang baksa Shillong-o tom•aniko ong•atangaha aro ia tom•anio a•dokni Cabinet Minister Kyrmen Shylla-ba dongpae bak ra•angaha.
Ia tom•anio a•dokni Chief Minister, DC-rangna aro Civil SDO-rangna aganprakengon, sorkarini ra•gatgipa dingtang dingtang scheme aro program-rangko nambate chu•sokatna man•na dingtang dingtang gadangrango ku•mong nangrime kamko ka•china didiangaha.
A•dokni namroro silroroanina pilak kamrangon manderangkosa skang donchina gitaba ua officer-rangko didiangaha.
Meghalaya a•dokko 10 billion US dollar economy ong•atna sorkarini niksamsoani bidingo janapatengon, ia miksonganiko chu•sokatna sorkarini kamo bak ong•enggipa mande sakantikon gisiko nange kam ka•china Chief Minister didiangaha.
Batanggimin bilsidokni gisepo a•dokni dal•roroani aro namroro silroroaniko mesokani chinrang namen tang•doangaha ine janapatskaengon, dingtang dingtang gadangrango ku•monggrikachi, nirok sandianirangchi aro dongnuani gri kamrangko ka•anichi ma•mong aro a•dokni scheme-rangko nambate chu•sokatna man•aha ine Chief Minister parakataha.
A•jatangtango skulrangko, hospital-rangko, PHC-rangko, CHC-rangko aro uandake sorkarini dingtang dingtang kamrangko pangnan nirokjringchina aro dingtang dingtang cholrangchi sorkarina u•iatjringchina gitaba ua DC aro SDO-rangko didiataha.
Ia tom•anio, Commissioner & Secretary Dr Vijay Kumar, CM-Connect aro DC-Connect program-rang baksana sorkarini dingtang dingtang kamrangni bidingo jinmana agan-talate on•angskaaha.
Na·simang ia video-koba nina man·gen:
Na·simang iakoba poraina man·gen: Manipur a•doko, Myanmar-ni PLA bobil dolko a•dok sorkarini rimnapaniko KIM dol jegala
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
