Shillong, Jan 13: Meghalaya a•doko cholgri ong•gipa chatro chatrirangna Talent Identification Program (TID) scholarship-ko on•e dakchakna gita Hyderabad-ni Aga Khan Academy, Meghalaya a•dokni School Education & Literacy Directorate baksa bakrimaha.

Ia 2022 bilsio a•bachengatgipa TID scholarship program-ara, sorkari aro sorkarini dakchake on•enggipa skulni Class VI-o name chu•sokgipa chatro chatrirangko sandie dakchake on•gipa program ong•a aro seoka man•gipa chatro chatrirangna Aga Khan Academy-o Grade VI-oni Grade XII-ona gong crore 1-ni scholarship-ko on•e poraina gita dakchake on•enga.

Da•alona kingking ia program-ni ning•o Meghalaya a•dokni sakchet chatro chatrirangko seoke, Aga Khan Academy-o poraiatna cholko man•aha aro uan sakbride 2022-23 cycle-oni aro sakbride 2024-25 cycle-oni ong•a.

Ia program-ni bidingo, Aga Khan Academy-ni Dean of Admissions Arjun Puri, kobor ra•timgiparangna talate on•angengon, ia bilsio uamang, sorkari aro sorkarini dakchake on•enggipa skulrangoniko changgipa sapgipa chatro chatrirangko seokna kam ka•aha aro uamangni seokgipa sak 400 candidate-rangoni sakbrisan bon•kamgipa gadangona seokako man•aiaha ine parakataha.

Nambatgipa chatro chatrirangna ia scholarship-ko on•na gita uamang, gadang bri dake candidate-rangko seokenga ineba Puri aganaha.

Ia scholarship program-na sakbri ba sakbonga chatro chatrirangko seokdapna gita uamang, ia 2025 bilsini October jao Meghalaya a•dokona re•bapiltaigen ineba Aga Khan Academy-ni Dean of Admissions Arjun Puri parakataha.

Na·simang ia video-koba nina man·gen:

Na·simang iakoba poraina man·gen: Asian Cup-na susana seoka man•gipa dolgnini kal•susaaniko Shillong sokachakgen

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub