Shillong, Nov 14: Bristibar salo, Meghalaya sorkarini Transport department, India sorkarini Civil Aviation Ministry baksa nangrime, Seaplane Demonstration-ko Umiam Lake-o donggipa Orchid Resort-ni Water Sports Complex-o ong·atangaha aro iano Meghalaya a·dokni Chief Minister Conrad K Sangma baksana Civil Aviation Minister Kinjarapu Ram Mohan Naidu-ba bak ra·angaha.
Ia Seaplane Demonstration ba chio sildorengrangni dakmesokanio a·dokni Chief Minister Conrad K Sangma, jinmana aganprakengon, an·tangni bading chiwalengmiting somoirango salgro salaram jolni dingtang dingtang biaprangona songre songgabate neng·nikanirangko chagrongna nangahani gimin gisik ra·atpilangenba, 2018 bilsio sorkariko rikchengon ua, manderangni songre songgabatanio neng·nikanirangko komiatna gita salgro salaram jolrango aro mongsongbate Meghalaya a·doko airport-rangko tang·doatna gisik on·e kamko ka·na a·bachengaha ine parakataha.
UDAN scheme-ko 2008 bilsio a·bachengatanichi, India a·songo, mongsongbate Meghalaya aro salgro salaram jolrango re·a doani cholrangko namdapatna man·aha ineba ua aganaha.
Batanggimin bilsichetni gisepo regional headquarter-oni chonchongipa a·dokrangonaba sildoreng bilruraaniko a·bachengataha ine a·songni Prime Minister Narendra Modi-ko mittelpile aganangengon, da·ode kontasani gisepon salgro jolo donggipa a·dokrangonaba songre songgabatna man·engaha aro bading chiwalani baksana re·a doani cholrango namen tang·dobataniko nikna man·engaha ine Sangma aganaha.
Chini sildorengrang onchongna aro bildona gita metre 200 ong·e chini apalani aro metre 5 ong·e chini tu·aniko nanga ine an·tangni ma·sianiko janapatengon, Meghalaya a·dokode chu·onga gitan mikkako man·rongani gimin a·ani kri chimarangko tarina man·gen aro airport-na runway-ko bakrobatatanio koros ong·ana bate dam-ko rikanion lak 15-mangni gitasan koros ong·aigen ine Chief Minister aganaha.
Tura-o china neng·nikaniko namatna gita dam-ko rikengaha ine janapatengon, iako mikkang bilsirangode chini sildorengrangnaba jakkalna man·gen ine Chief Minister parakataha.
Meghalaya a·dokni Umroi airport-ko dal·batatani aro Baljek airport-ko chalaina nangnikengani gimin janapatskaengon, Aviation Ministry-ni dakchakanichi ia pilak miksonganirang chu·sokgipa ong·gen ine Sangma, an·tangni ka·dongchakenganiko parakangaha.
Ia Seaplane Demonstration-ko ong·atanio Civil Aviation Minister Kinjarapu Ram Mohan Naidu-ba jinmana aganprakangengon, India a·songo dam 1300-mangni gita chichangrang donga, chibimarang warirangba bang·en dongani giminsa seaplane-rangko jakkalbatenga aro a·songni namroro silroroani kamrangko tang·doatna man·enga ine parakangaha. Umiam airport-ko dal·batatanio aro dingtang dingtang nanganirango Meghalaya sorkarina pilak nanga dakchakanirangko on·gen ineba Naidu, ku·rachakaniko on·angaha.
Na·simang ia video-koba nina man·gen:
Na·simang iakoba poraina man·gen: Buringni mongmarang mingimin mirangko nosto ka•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
