Tura, Jun 3: Sombar salo, First aro Second Division-ni robol kal•susaaniko Tura-ni Chandmari Football Turf-o ong•atangaha aro Second Division-o Ringrey Gittim YC, Cherangre YSCC-ko goal 7-1-chi amchepatenba, First Division-o Blue Max, Rongkhon Sporting-ko goal 3-2-chi cheangskaaha.

Second Division-ni robol kal•susaanio, Ringrey Gittim YC-na Nikidan Ch Marak, Nokbat R Marak, Benith Ch Marak, Chingsrang R Marak aro Balsan K Sangma goal-rangko chipe on•aha aro Cherangre YSCC-na Jerak M Sangma, goal-sako chipe on•skaaha.

First Division-ni robol kal•susaanio Blue Max dolna Tengkrim Marak, Matsrang Sangma aro Chalubirth Marak, goal-rangko chipaha aro Rongkhon Sporting dolna Devika Zimomi baksana Kevisszo Chalisou goal-rangko chipe on•skaaha.

Na·simang ia video-koba nina man·gen: 

Na·simang iakoba poraina man·gen: Vote-rangko channa Tura-o biaprangko tarisomanaha

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub