Tura, February 28: Tura aro uni sambajolo donggipa chiring chibisikrangko rongtalgija rakkianiko Tura, West Garo Hills ni District Administration champengataniko dakatenga maina da•ogita dingkarini somai sokbaengaha aro chirang man•ani komianggnok indake a•jao songdong a•chagiparang chiring chibisik rangko salanti nanganina jakkalna gita pangchakna nanggnok.
West Garo Hills a•jani ni ningo donggipa songjinmarang aro songadamrang o anti charam biapni sepangjolo donggipa chiringrango aro chiring sambajolo donggipa manderang chiringrango skatang jabol galanirangko dakengani gimin West Garo Hills a•jani Deputy Commissioner Jagdish Chelani, Section 144 Cr PC-o pangchake pilak a•jao songdongenggipa manderangko chiringrango skatang jabol galaniko champengataha.
Ge•etgimin gita chiring sepangjolo donggipa je mande ba dolrangko skatang chiringrango jabolrangko galjachina uiataha, jean Chiko ripingani Section 24 (prevention and control pollution), 1974 Act ni ningo ga•aka, jean pilak chiringrango ba chiakkol rango jabolrangko galjachina tarigimin niam reti mingsa ong•a.
West Garo Hills, Tura Municipal Board-ni Chief Executive Officer aro pilak Sub-divisional Magistrate-rangko biaptangtango ia on•gimin ge•etanirangko rakbe•e jarikatchina aro jemangan ia ge•etaniko manija uamangni kosako rakgipa aro kragipa sastirangko on•china gita ge•etaniko on•angaha. Una agreba Tura Municipal Board ni Chief Executive Officer ko jabolrangko chiringrangchina ga•akatjana gita rake kamko ka•china u•iataha.
Sakantian iano bak ko ra•epachina aro ia on•gimin ge•atanirangko jarikpachina gita u•iataha. Je mande ba je dolrangan ia niamrangko manijaengachim uamangko, bil on•ako man•gipa manderangna tarake kobor rangko on•china gita u•iataha, jedakode uamangni kosako don•gimin niam ni gita kragipa sasti ko on•a gita man•gen.
Na·simang iakoba poraie nina man·gen:Bilsi 10-na BJP sorkari a•songna kragijako dakaha ine Congress matnanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
