Agartala, May 3: Tripura a•dokoba chaktopilgija ding•anirangko chakna nangtokengon, Sepahijala a•jao donggipa Sepahijala Zoological Park-ni matburingrangko an•seng baljoke rakkina aro dongtoaniko on•na gita official-rang ja•ku de•chakataha.
Tripura a•dokoba ding•ani batroroengani gimin ia park-o donako man•enggipa matburingrang saanirangko man•jana gita ia park-ko nirokenggipa official-rang, matburingrangna electrolyte donggipa ringanirangko on•na, salakkimko on•na, ka•singipa chirangko satdapna, tin•kagimin bolam biterang aro me•su samjakrangko on•na a•bachengaha.
Ia park-ni mitam biaprangode official-rang, air cooler-rangkoba chate on•aha.
Ding•anirangko chakna nangengani a•sel matburingrang saanirangko man•jana gita park-o nirokenggipa official-rang, matburingrangna te•mit, te•e, te•raja, lau aro uandake be•en ka•sinatgipa bolam biterangkoba on•rongna jotton ka•enga.
Indake ong•engon, matburingrangna iandakgipa kamrangchi nirok sandianirangko on•engani gimin ia park-ko nina re•baenggipa manderang pilakan park-ko nirokenggipa official-rangko mittel mitchutokaha.
Na·simang ia video-koba nina man·gen:
Na·simang iakoba poraina man·gen: AIUDF-ni dilgipa Badruddin Ajmal, brigipa changna Dhubri-ni MP ong•na nidingenga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
