Tura, June 24: Bristibar salo South Garo Hills District Planning & Development Council (DPDC)-ni tom·aniko Baghmara-ni DRDA Training Hall-o ong·atangenba, dingtang dingtang sorkari department-ni ning·o ra·gatgipa scheme-ni kamrangko nipilangaha.

Ia tom·aniko Siju-Rongara-ni MLA aro DPDC-ni Chairman Rakkam A Sangma dilangaha aro tom·anio, Chokpot-ni MLA Lazarus Sangma, MDC Arbinus Marak, MDC Sengchim Sangma aro sakgipin MDC Sengbath Marak-ba dongpae bak ra·angaha.

Ia tom·anio ma·mong sorkarini ra·gatgipa dingtang dingtang program-rang, jekai MGNREGS, PMAY-G aro uandakgipa dingtang dingtang scheme-rangni kamrangko nipilangaha.

South Garo Hills a·jao tarienggipa dingtang dingtang ramani project-rang aro Jal Jeevan Mission-ni ning·o ra·gate ka·enggipa dingtang dingtang water supply scheme-ni kamrangko niangjolaha.