Tura, May 31 : South Garo Hills Baghmara-ni Divisional Forest Officer-ni office, Social Forestry & Territorial, 2024 bilsini World Environment Day-ko manisoani bak gita skulo poraienggipa class 1-oni class 7-ni chatro chatrirangna noksa salsusaanirang aro rongrangchi noksa salsusaanirangko ong•atenba a•bachengdilangaha.
Ia sal 3-na ong•atanggipa program-ko bak 2 dake chong•motan class 1-5 aro class 6-7 dake sualangaha. Ia bilsini World Environment Day-ko manianina dongimin katta bichongara, “Land Restoration, Desertification and Drought Resilience” ine ong•a. Ia program-ko ong•atani miksonganiara sam bolrangko ripingna nangani gamchataniko jinmana u•iatna aro daldrobaenggipa chadamberangko didianiko on•a miksonganian ong•achim.
Ia program-ko ong•atani 2-gipa salo, Divisional Forest Officer-ni office-ni gita dingtang dingtang skulni dal•dalkalgipa chatro chatrirangna essay sesusaaniko ong•atangaha, jeon uamang ia bilsini katta bichongo pangchake essay-rangko seangaha.
Baghamara-o songdongenggipa pilak manderangko aro ua jolo songdong achaenggipa manderangkoba ia tom•anio bak ra•pachina gita okamataha. Tom•anio sokbagiparang komibegenchim ong•omangba, department-ni manderang chiringni jabolrangko rongtalatna gita man•aha, jean songo donggipa manderangni jakkalgipa mongsonggipa chiba ong•achim.
Ia susagrikanirangko sukrobar salo matchotatgen aro iano chegiparangna certificate baksana boksisrangkoba on•anggen.
Na·simang ia video-koba nina man·gen:
Na·simang iakoba poraina man·gen: SSLC porikkao Top ka•anggipa Anuj Chetry-ko, Tura-ni Gorkha School-o mande ra•aniko dakanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
