Boko, Aug 18: Dingtang dingtang a·dokrangoniko cha·ugipa mande saksa, jekon Shah Rukh Khan ine mingachim, Sukrobar salo Kamrup a·jani police-rang, Guwahati songjinmaoniko rim·na man·aha.
Chhaygaon police station-ni officer-in-charge Bhaskar Mall Patowary-ni u·iatani gitade, dingtang dingtang a·dokrango Remote Radio Unit (RRU)-ko cha·ugipa Uttar Pradesh a·dokni Shah Rukh Khan, Guwahati songjinmani Dhirenpara-o dongenga ine koborko man·soani ja·man iani bidingo Kamrup-ni SP Ranjan Bhuyan-na u·iataha aro uni ge·etanio pangchake, Dhirenpara Milonpur-o donggipa nok para te·saoniko police-rang, ia mandeko rim·na man·aha.
Rim·ako man·gipa mandeara, Uttar Pradesh a·dokni Muzaffarnagar a·jao donggipa Kalimpur songoni ong·achim aro ia mandeni dongchakenggipa nokoniko police-rang, RRU ge·sniko man·aha ineba Patowary aganaha.
Ja·mano ia mandeni ku·chakani gita damgipin nokoniko am·sandiangon, RRU ge·bongako police-rang man·dapkuaha ineba ua aganaha.
Police officer-ni parakatani gitade, ia RRU ge 12-ni damara komibeoba gong lak 45-oni lak 60-mang ong·achim.
Ia mandeni bidingo police-rang talbate sing·sandiangkuon, uni cha·ugimin RRU-rangko Delhi-ni bazar damsao palenba, uarangko Bangladesh-ona watatskaenga ine ma·sina man·aha.
Na·simang ia video-koba nina man·gen:
Na·simang iakoba poraina man·gen: Assam sorkari bi•sa bakgitchakrangna birth certificate aro Aadhaar-rangko suale on•anga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
