Tura, April 12: Tura Donbosco Higher Secondary Schoolo bang·a skulrangni nangrimgimin kal·susaani “Play On” ingipa katta bichongko done ong·atangaha. Dal·drobaenggipa chadamberangko kal·susaanio tarina ine miksonge iako Directorate Of Sports And Youth Affairs baksa nangrime ong·atangaha. Tug of war, High jump, King Jump, 100m Race, 400m Race aro Relay Race ia kal·anirango chatro-chatrirang kusi ong·e bak ra·angtokaha.
Me·chikrangni 100 metre Race skanggipa biapko Turao donggipa me·asa bi·sarangni skul Tura Govt. Boys School man·angaha, Sherwood Skul gnigipako aro gittamgipako Donbosco School Rongkon man·angaha. Me·asarangni 100 metre Race kal·susaanio skanggipako Sherwood School, gnigipako Christian Boys School aro gittamgipako Tura Public Skul man·angskaaha.
400 metre Race ko Tura Government School skanggipako man·aha. Gnigipako Rongkon Donbosco Skul aro gittamgipako man·aha. Me·chik bi·sarangoni chegiparangara, skanggipako Tura Public School, gnigipako Tura Government Boys School aro gittamgipako St. Marry’s School man·angskaaha.
Me·a bilsarangni Relay Race kal·susaanio Monfort Centre for Education skanggipako, Governmentni Boys School gnigipako aro Tura Govt. Boys School, gittamgipako Tura Public School man·angskaaha. Me·chikrangni kal·anio skanggipako Donbosco School gnigipako St. Marry’s School, aro gittamgipa ko me·asa bi·sarangni skul Govt. Boys Skuloni man·angskaaha.
Me·asa bi·sarangni long-jump bilsusaanio skanggipako Sherwood skul, gnigipako Monfort Centre for Education aro gittamgipako Tura Public School man·angskaaha. Me·chikrangni kal·susaanio Tura Public School skanggipako gnigipako Govt. Boys School aro Monfort Centre for Education gittamgipako man·angskaaha.
Tug of war kal·susaanio Donbosco School Tura skanggipako, gnigipako Sherwood skul aro gittamgipako. Me·chikrangni kal·susaanio skanggipako Monfort Centre for Education aro Govt. Boys Higher Secondary School gnigipako man·angskaaha.
Na·simang ia video-koba nina man·gen:
Na·simang iakoba poraina man·gen: East Garo Hillsni Sorkario kam ka·giparangko ration cardrangko on·pilchina DC ge·eta
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
