Shillong, Sep 25: Meghalaya a•dokni airport damgni, chong•motan Shillong Airport aro Baljek Airport-ko dal•batatna gita a•arangko ra•dapna bi•aniko Budbar salo a•dokni Cabinet ra•chakangaha.
Dal•dalgipa sildorengrang bilonna gita Shillong Airport-ko dal•dalbatatna cholrang dongkuenga ine gital survey report-o parakani ja•man Directorate General of Civil Aviation (DGCA)-o nanga permission-rangko ra•na gitaba a•dok sorkari tik ka•angaha.
Cabinet tom•a matchotani ja•man iani bidingo talataniko on•angengon, Shillong Airport-na nangdapenggipa a•arangko ra•dapna gita kamrangko a•bachengatchina Cabinet ge•etaniko on•angaha ine a•dokni Chief Minister Conrad K Sangma, kobor ra•timgiparangna parakataha.
A•dokni airport-rangko dal•batataniara a•dokna dingtanganiko ra•bana sienggipa kaman ong•enga ine janapatengon, ia kamo pilakkon sorkari baksa bakrimchina Chief Minister mol•molataha.
Airport Authority of India (AAI)-ni gital dake survey-ko ka•anio ia airport-ko dal•batatna gita cholrang dongkuenga ine nikahani gimin da•o airport-ko dal•batatna kamrangko a•bachengatgnok aro kamrang matchotahaode A320 aro Buoying 373 gita dal•dalgipa sildorengrangba ia airport-o bilonna man•gnok ineba Chief Minister, an•tangni ka•dongchakenganiko parakataha.
Da•o sorkarini minggipin ja•ku de•anide DGCA-oniko permission ra•anian ong•gnok ine janapatengon, DGCA baksa uamangni agangrikani chu•sokgipa ong•gen ine Sangma, an•tangni ka•dongchakenganiko parakataha.
Baljek Airport-ni gimin sing•anina aganchakaniko on•angskaengon, ia airport-ko dal•batatna gitaba a•arangko ra•dapna da•o kamrangko ka•engaha ine Chief Minister parakataha.
Na·simang ia video-koba nina man·gen:
Na·simang iakoba poraina man·gen: ICFAI University-ni NSS Unit-rang ‘Swachhata Hi Seva’ campaign-ko ong•ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
