Shillong, Apr 17: Shillong aro Tura Parliamentary seat-na, Lok Sabha Election-ni skanggipa phase-na campaign ka•ani da•al attamni 4:00 bajio matchotanggen.
Indake dam 21 a•dokrang aro Union Territories-ni wilwilao, Lok Sabha Election-ni skanggipa phase-na April 19 tarikoni a•bachenganggen.
Ia eleksinko a•bachengna konta 48 skang, Representation of the People Act, 1951 (RP Act)-ni ning•o Section 126, 126A aro 135C-o pangchake, ‘silence period’ ba ‘pre-election silence’-ko ong•atenga, chong•motan, eleksin-na campaign ba gipin kamrangko ka•ani jekai, jinma tom•bimongatani, eleksinni bidingo sakgipinrangko didie agananirangko champengatani ong•a, jeni somoion, songdong a•chaenggipa manderang, kobor ra•timgiparang aro politician-rang, iandakgipa kamrango bak ra•na man•jawa.
Iako dakaniara, campaign ka•e sakgipinrangni didianiko man•a gri, voter-rang ka•sine name chanchie pu•ona man•ani ong•achim.
Indake, Lok Sabha Election 2024-ko dam 21 a•dokrango ong•atani skanggipa phase-ko April 19 tarikoni a•bachengate, gipin phase-rangko, April 26, May 7, May 13, May 20, May 25 aro June 1 tariko ong•atanggen aro ia pu•onaniko June 4 tariko channaniko dakangskagen.
Na·simang ia video-koba nina man·gen:
Na·simang iakoba poraina man·gen: Dul Doka – Pu·ongiparangna u·i-ma·siatani programko Turao ong·ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
