Shillong, Mar 19: Re•baenggipa April jani 19 tariko ong•atna sienggipa Lok Sabha election-o Shillong parliamentary seat-ko National People’s Party (NPP) chegen ine Sombar salo, NPP-ni national general secretary aro Meghalaya a•dokni Deputy Chief Minister Sniawbhalang Dhar, an•tangni ka•dongchakenganiko parakataha.
Dhar-ni aganani gitade, NPP-ni vote man•ani 2023 bilsio lak 3.17-ona tang•doangaha aro gipin dolrangni dilgiparangba NPP-o napahani gimin da•o vote man•ani tang•dobatanggnok.
Gitcham MDC Rona Khymdiet-ba March-ni 22 tariko NPP baksa bakrimena sienga ine janapatengon, NPP-ni vote man•ani da•o lak 1-chi batangengjok ine Dhar aganaha.
Ia chang Lok Sabha election-o NPP-ni me•chik candidate sakgniko susaataniara me•chikrangko mangrakbatatani ong•ja indiba chol dongjaesa susaatenga ine Shillong-ni Congress MP Vincent H Pala-ni matnange agananiko jegalatengon, Shillong Lok Sabha constituency-o Congress-ni MP baksa bilake susagrikna siengani giminsa a•dokni cabinet minister-ko NPP-ni candidate dake seokaha ine Dhar aganaha.
NPP-o candidate-rangna dilja ine parakatengon, Shillong-o bilake susanagipa candidate-kosa NPP seokaha aro Shillong seat-ko Ampareen Lyngdoh chetelgen ine NPP-ni state general secretary aganaha.
Batanggimin bilsidokni gisepo MDA sorkarini ra•bagipa dingtang dingtang namroro silroroani kamrangkoba ua janape on•angaha.
Bilsidokni gisepo NPP-chi dilenggipa MDA sorkari bang•en namroro silroroaniko a•dokna ra•bae on•na man•aha ine talataniko on•angengon, a•doko dingtanganiko nikna man•jagenchim ong•ode 2023 bilsini Assembly election-o NPP, dam 26 seat-rangko chegenchimma ine Dhar sing•doataha.
MDA sorkarini jako ra•chengani somoio a•dokni budget gong crore 9000-san ong•kuengachim indiba da•alo gong crore 27,000 ong•aha ineba Deputy CM parakataha.
Na·simang ia video-koba nina man·gen:
Na·simang iakoba poraina man·gen: BJP-ni roadshow-o skulni bi•sarangko bak ra•atanina inquiry-ko a•bachengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
