Shillong, July 26: Meghalaya a•dokni chadamberangna coffee tarianiko aro dangdike on•aniko skie on•na gita Sukrobar salo, Meghalaya Farmers’ (Empowerment) Commission (MFEC), Coffee Board of India baksa nangrime Barista Skills Training Program-ko Shillong songjinmani Mawdiangdiang-o donggipa Institute of Hotel Management (IHM)-o ong•atangaha.
Ia training program-ko ong•atanio chatro chatrirang, bading chiwalgiparang aro dingtang dingtang kamrangko ka•e cha•enggiparangoni gimik sak 30 manderang bak ra•angaha aro uamangna Barista ba coffee tariani bidingo aro coffee tarigiparangni gunrangni gimin Master Trainer sakgni, chong•motan Yathisha KP aro Tejas skie on•angaha.
Ia program-ko ong•atanio, Coffee Board, North Eastern Region-ni Joint Director (Extension) Navin Kumar Bahl Rynthathiang, tom•anio bak ra•giparangna aganprakengon, chadamberangni changa sapanirangko bariatanio iandakgipa program-ni gamchataniko janapangenba, salgro salaram jolrango baritas ba coffee tarina changgipa manderangni komikuengani gimin aganangaha.
Mikkangchi chadamberangna bang•bate cholrangko on•na man•na gita indakgipa training program-rangko ong•atna nangengani giminba Rynthathiang janapangaha.
Ia program-ko ong•atanio, MFEC-ni Executive Adviser aro Chairman in-charge BK Sohliya-ba jinmana aganprakengon, ia training program-ko chu•sokgipa ong•atna man•ahani gimin an•tangni kusi ong•aniko parakatenba, mikkangchi iandakgipa program-rangko ong•atangna man•kugen ine an•tangni ka•dongchakenganiko janapangaha.
Na·simang ia video-koba nina man·gen:
Na·simang iakoba poraina man·gen: TB sabisini bidingo awareness program-ko ong•ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
