Shillong, Feb 19: Apollo Hospitals Enterprise Limited (AHEL), Shillong-ni Trinity Healthcare baksa nangrime Budbar salo, Apollo Trinity Medical Centre-ko, Meghalaya a•dokni skotong Shillong songjinmao kuliaha.

Ia centre-na re•anggipa 2024 bilsini December 23 tarikon Shillong-ni Archbishop Victor Lyngdoh aro Father Richard M Majaw, pattianiko on•angaha aro ia centre-ko Budbar salo, Meghalaya a•dokni Chief Minister Conrad K Sangma, a•dokni Health Minister Ampareen Lyngdoh, Chief Secretary DP Wahlang, Apollo Hospitals Entreprise Ltd-ni Regional CEO (East) Rana Dasgupta aro Garo Baptist Mondolini Pamong Rev Elizer-ni dongpaanio, kulie on•angaha.

Ia Apollo Trinity Medical Centre-o India a•songni dingtang dingtang biaprango donggipa Apollo centre-rangni specialist-rang baksa agangrikna cholrangko man•gen aro iano, dingtang dingtang department-rang, jekai medicine, gynaecology, paediatrics, cardiology, oncology aro uandakgipa department-ni specialist-rangkoba man•engani gimin ian Meghalaya a•dokni manderangnasan ong•aigija salgro salaram jolni pilak manderangnan dingtang dingtang sanna bananirangko ra•anio bang•en namgni ong•gnok.

Ia centre-o ECG, TMT, echocardiography, pulmonary function tests (PFT), ultrasound, X-ray, dental care, ophthalmology, physiotherapy aro uandakgipa dingtang dingtang sanna banani cholrangba donga.

Ia centre-ni Radiology Department-ara, Apollo TeleRadiology International baksa bak donggipa ong•ani gimin namnamgipa doctor-rang aro specialist-rangni agan-ku•pattianirangkoba ra•na man•gnok.

Ia centre-ko dal•batatanio dialysis, endoscopy, CT scan aro MRI service-rangkoba ja•mano a•bachengatgen.

Ia centre-o doctor-rangko aro specialist-rangko grongna somoiko tik ka•na aro dingtang dingtang nanga kamrangna patient app-koba a•bachengatgen.

Sanna bananirangko aro agan-ku•pattianirangko ra•na gita a•dokni manderang, chel•a biaprangona re•angna nangjana gita ia centre-o Chennai, Hyderabad, Delhi, Kolkata aro Guwahati-ni Apollo specialist-rang baksa telemedicine consultation-koba on•na miksongenga.

Na·simang ia video-koba nina man·gen:

Na·simang iakoba poraina man·gen: SWGH a•jao rikenggipa Mahendraganj College-ko Edu Minister nirokea

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub